رسايل ومسجات سودانيه

اﻣﺎﻧﺔ ﻋﻠﻴﻚ .. ﺗﺨﺖ ﺑﺎﻟﻚ ﻋﻠﻰ ﺍﻟﺠﻮﺍﻙ ..
ﻋﻠﻲ ﺍﻟﺤﻠﻢ ﺍﻟﺒﻨﻴﻨﺎ ﺑﻴﻮﺕ
ﻋﻠﻲ ﺍﻟﺴﺮ ﺍﻟﺪﻓﻨّﺎ ﻛﻼﻡ .. ﺗﺤﺖ ﻭﺟﻊ
ﺍﻟﻠﻴﺎﻟﻲ ﺳﻜﻮﺕ
ﺃﻣﺎﻧﺔ ﻋﻠﻴﻚ .. ﻗﺒﻞ ﺗﺮﺣﻞ ﻣﻊ ﺍﻷﻳﺎﻡ ..
ﺗﺸﻴﻞ ﺣﻠﻮ ﺍﻷﻣﺎﻧﻲ ﺗﻔﻮﺕ
ﺗﺪﺱ ﻓﻲ ﺑﻴﺮ ﺣﻮﺍﺳﻚ ﺭﻳﺪ ... ﺳﻘﻴﻨﺎ ﻭﻓﺎ
ﻭﺣﻤﻴﻨﺎ ﻳﻤﻮﺕ
ﻭ ﺍﻣﺎﻧﺔ ﻋﻠﻴﻚ ﻳﻈﻞ ﺍﺳﻤﻚ ﺣﺮﻭﻑ ﻣﻦ
ﻧﻮﺭ ﻋﻠﻲ ﺣﻴﻂ ﺍﻟﻔﺆﺍﺩ ﻣﺸﺨﻮﺕ
.....:.:.:.:.:.:.:....
ﻋﻬﻮﺩﻱ ﻣﻌﺎﻙ ﺃﻣﻮﺕ ﻭﺍﻗﻒ ... ﻋﻠﻲ ﺑﺎﺏ
ﺍﻟﻬﻮﻯ ﺍﻟﻤﻔﺘﻮﺡ
ﺍﻧﺎ ﺍﻟﺒﺮﺣﻞ ﻣﺤﻞ ﺗﺮﺣﻞ ... ﻏﻤﺎﻣﺔ ﻋﻠﻴﻜﺎ
ﻭﻳﻦ ﻣﺎ ﺗﺮﻭﺡ
ﻷﻧﻚ ﺇﻧﺖ ﻓﻲ ﺍﻟﻮﺝ
ﺩﺍﻥ ... ﻣﺸﻜﻦ ﺑﻴﻦ ﺣﻨﺎﻳﺎ ﺍﻟﺮﻭﺡ
ﻣﻮﺳﻤﺔ ﺑﻴــــﻚ ﺗﻔﺎﺻﻴﻠﻨﺎ ... ﻭ ﻣﻀﻤﺪﺍ
ﺑﻲ ﻏﻨﺎﻙ ﺟﺮﻭﺡ
ﺗﻌﻴﺶ ﻓﻲ ﺫﺍﺗﻲ ﻭ ﺍﻟﺬﻛﺮﻯ .. ﻣﺘﻞ ﺻﻔﻖ
ﺍﻟﺸﺘﺎ ﺍﻟﻤﺤﺘﻮﺕ
.....:.:.:.:.:.:.:....
ﻋﻠﻴﻚ ﺳﻨﻴﻦ ﺍﻹﻟﻔـــﺔ ﺑﻴـــــــﻨﺎﺗﻨﺎ .. ﻗﻤﺮ
ﻟــــــــــﻴﻼﺕﻙ ﺍﻟﺼـــﺎﻓﻲ
ﺗﻔﺎﺻﻴﻞ ﺭﻭﻋﺘﻚ ﺟـــــــــــــﻮﺍﻙ ...
ﻣﻨﺎﺑﻊ ﺇﺣﺴــــﺎﺳﻚ ﺍﻟﺪﺍﻓـــﻲ
ﺣﻮﺍﺱ ﺧﻠﻴﺘﺎ ﻳﺎﻟﻤﺤﺒـــــــــــــﻮﺏ ..
ﻭﺭﺍﻙ ﻻ ﻓﻴــــــــــــــﻨﺎ ﻻ ﻣﺎﻓﻲ
ﺗﻤﻮﺕ ﺑﻲ ﺷﻮﻗـــــــــــﻚ ﺍﻷﻓﺮﺍﺡ ...
ﺍﻣﺪ ﺑﺎﻟﻠﻬﻔﺔ ﺍﻃـــــــــﺮﺍﻓﻲ
ﻣﻜﺎﻥ ﻣﺎ ﻋﺸﺖ ﻓﻲ ﺍﻷﻋﻤﺎﻕ .. ﻫﻨﺎﻙ
ﻛﻠﻚ ﻋﺸﻖ ﻣﺨـــــــــﺘﻮﺕ
.....:.:.:.:.:.:.:....
ﺍﻣﺎﻧﻲ ﻭﺭﺍﻙ ﻣﺎﺑﺘﻨﺴــــــﺎﺏ .. ﻋﻠﻲ
ﻃﺮﻑ ﺍﻟﻌﻴﻮﻥ ﺩﻣــــــــﻌﺎﺕ
ﺍﻣﺶ ﻭ ﺍﻧﺎ ﺑﺎﻷﻣﺎﻧﻲ ﺍﺭﺟﺎﻙ .. ﺳﻨﻴﻦ ﻋﻤﺮ
ﺍﻟﺠﻔﺎ ﺍﻟﺠﺎﻳــــــــﺎﺕ
ﻭ ﺍﻣﺎﻧﺔ ﻋﻠﻴﻚ ﻣﺤﻞ ﺗـــــــﻨﺰﻝ ... ﺗﻤــــﺪ
ﺣﺒﻞ ﺍﻟﻤﺤﺒﺔ ﺻــﻼﺕ
ﻳﺸﻊ ﻧﻮﺭ ﺍﻟﻮﻓﺎ ﺍﻟﻤﺎﻟﻴــــــــــﻚ .. ﺗﺒﻖ
ﻟﻴﻞ ﺍﻟﻔﺮﺍﻕ ﻏــــــﻨﻮﺍﺕ
....................
ﻭﻣﺎﺗﻘﻮﻟﻲ ﻟﻲ ﻇﺮﻭﻓﻨﺎ
ﺑﻴﻨﺎ ﻣﺎ ﺧﻠﺖ ﻣﺠﺎﻝ
ﻳﺎﺗﻮ ﺍﻟﻈﺮﻭﻑ ﺗﻔﺮﻕ ﻏﺮﺍﺍﻡ ...؟
ﺍﺩﻳﻨﻲ ﺟﻮﺍﺏ ﻟﻠﺴﺆﺍﻝ
ﻭﺭﻳﻨﻲ ﻣﻨﻄﻖ ﻟﻠﺮﺣﻴﻞ
ﺧﻼﻧﺎ ﻧﻬﺪﻡ ﻟﻠﻮﺻﺎﻝ
ﻣﺎﻗﻮﻟﺘﻲ ﻳﺎ ﺳﺖ ﺍﻟﻐﺮﺍﻡ
ﺍﻓﻀﻞ ﻣﻌﺎﻙ ﻓﻲ ﻛﻞ ﺣﺎﻝ
ﻧﺘﻘﺎﺳﻢ ﺍﻻﻳﺎﻡ ﺷﻘﻰ
ﻭﻧﻌﻴﺸﺎ ﻟﺤﻈﺎﺕ ﺍﻟﺠﻤﺎﻝ
ﻧﺪﻱ ﺍﻟﻌﻼﻗﻪ ﺇﻃﺎﺭ ﺟﺪﻳﺪ
ﺍﻟﺤﺐ ﻧﻜﻤﻠﻮ ﺑﺎﻟﺤﻼﻝ
ﻧﻘﻬﺮ ﻇﺮﻭﻓﻨﺎ ﻣﻊ ﺍﻟﺰﻣﻦ
ﻭﻧﺤﻘﻖ ﺍﻣﺎﻝ ﺍﻟﻤﻨﺎﻝ
ﻭﺍﻟﻠﻴﻠﻪ ﺭﺍﺍﺍﺍﺍﺡ ﻛﻞ ﺍﻟﻜﻼﻡ
ﺑﻴﻨﺎﺗﻨﺎ ﻭﺍﺗﻀﺢ ﺍﻟﺰﻭﺍﺍﺍﻝ
ﻭﻳﻦ ﺍﻟﻮﻋﻮﺩ ﻭﻳﻦ ﺍﻟﻌﻬﻮﺩ ...؟
ﺍﺩﻳﻨﻲ ﺟﻮﺍﺏ ﻟﻠﺴﺆﺍﻝ
ﺍﺩﻳﻨﻲ ﻟﻮ ﻟﺤﻈﺔ ﻳﻘﻴﻦ
ﻫﺪﺕ ﻣﻌﺎﻙ ﺩﺭﺏ ﺍﻟﻮﺻﺎﻝ
ﺍﺗﺤﺪﻯ ﻗﺎﻣﺘﻚ ﻟﻮ ﺍﻛﻮﻥ
ﻧﻘﺼﺖ ﺟﺮﻋﺎﺕ ﺍﻟﺪﻻﻝ
ﻭﻋﻠﻲ ﺍﻟﻌﻤﻮﻡ ﻳﻼ ﺍﻟﺴﻼﻡ
ﻟﻮ ﺑﻴﻨﺎ ﺍﺗﺮﺳﻢ ﺍﻟﻤﺤﺎﻝ
ﻣﺎ ﺇﻧﺘﻲ ﻣﺎ ﺍﺧﺮ ﻏﺮﺍﻡ
ﻻ ﺇﻧﺘﻲ ﺧﻠﺼﺘﻲ ﺍﻟﺠﻤﺎﻝ
ﻗﺎﺩﺭ ﺍﻭﺩﻉ ﻧﻔﺴﻲ ﻓﻴﻚ
ﻭﺍﻟﺤﻤﺪ ﻟﻠﻪ ﺍﻱ ﺣﺎﺍﺍﺍﺍﻝ
║▌║│▌║█││║▌║│█│▌║█
ﻛﻞ ﺍﻟﺤﺎﺻﻞ ..
ﺍﻧﺎ ﻗﺮﺭﺕ ﺑﺪﻭﻧﻚ ﺍﻭﺍﺻﻞ ..
ﻭﺇﺕ ﻓﻲ ﻣﺤﻠﻚ ﺧﻠﻴﻚ ﺟﺎﻓﻲ
ﺩﺍﻡ ﺍﻟﺮﻳﺪ ﺍﻟﻌﻨﺪﻙ ﻗﺼﺮ ﻭﻣﺎﻛﺎﻥ ﻛﺎﻓﻲ
ﺩﺍﻡ ﺧﺘﻴﺖ ﻓﻲ ﻣﺤﻠﻚ ﻭﺟﻌﺔ
ﺯﻳﻬﺎ ﺯﻱ ﺍﻟﺮﻳﺪﺓ ﺑﺘﻜﺒﺮ
ﻭﺍﻧﺎ ﻓﻲ ﻣﺤﻠﻲ ﺍﻟﺠﻮﺍﻙ ﻣﺎﻓﻲ
ﻭﻫﺴﻪ ﺍﻟﺤﺎﺻﻞ ..
ﺍﻧﺎ ﻗﺮﺭﺕ ﺑﺪﻭﻧﻚ ﺍﻭﺍﺻﻞ ..
ﻭﻛﻞ ﻳﻘﻴﻨﻲ
ﻣﻬﻤﺎ ﺑﻌﺪﺕ ﻓﻲ ﻳﻮﻡ ﺣﺘﺠﻴﻨﻲ
ﺷﺎﻥ ﺩﻣﻌﺎﺗﻲ ﺍﻟﻠﻴﻚ ﻣﺎﺟﻔﻦ
ﻭﺷﺎﻥ ﺍﺷﻮﺍﻗﻲ ﺍﻟﻴﻮﺕ ﺑﺘﺼﻔﻦ
ﻭﻗﻔﻦ ﺑﻌﺪﻙ ﺻﻔﻦ ﺻﻔﻦ
ﻣﺎ ﺇﺗﻌﺼﻔﻦ
ﺟﻮﺍ ﻗﺼﻴﺪﻙ ﻣﺎ ﺇﺗﻮﺻﻔﻦ
ﻻ ﺇﺗﺒﺴﻄﻦ ﻻ ﺇﺗﻌﺼﻔﻦ
ﻭﻫﺴﻪ ﺍﻟﺤﺎﺻﻞ ..
ﺍﻧﺎ ﻗﺮﺭﺕ ﺑﺪﻭﻧﻚ ﺍﻭﺍﺻﻞ ..
ﻭﻣﺎ ﺇﺗﺨﻴﻠﺘﻚ
ﺯﻳﻚ ﻭﺯﻱ ﺍﻟﻨﺎﺱ ﺍﻟﺠﺎﻳﺮﺓ
ﻭﻣﺎ ﻛﺖ ﺩﺍﻳﺮﺓ
ﺃﻓﻘﺪ ﺭﻭﺣﻲ ﺍﻟﻄﻠﻌﺖ ﻣﻨﻚ
ﻭﺃﻓﻘﺪ ﺣﻨﻚ
ﻭﺇﺕ ﻛﻴﻔﻨﻚ ؟
ﻭﻛﻴﻒ ﻋﻴﻨﻴﻚ ﺍﻟﺪﺍﻳﻤﺎً ﻧﺎﻳﺮﺓ
ﻭﺍﻧﺎ ﺟﺪ ﺣﺎﻳﺮﺓ
ﺧﺎﻳﻔﺔ ﺍﻟﻮﺟﻌﺔ ﺍﻟﻔﻴﻨﻲ ﺗﺠﻴﻠﻚ
ﻗﺎﻟﻮ ﺍﻟﺪﻧﻴﺎ ﻫﻲ ﻻﻓﺔ ﻭﺩﺍﻳﺮﺓ
ﻭﻫﻬﺴﻪ ﺍﻟﺤﺎﺻﻞ ..
ﺍﻧﺎ ﻗﺮﺭﺕ ﺑﺪﻭﻧﻚ ﺃﻭﺍﺻﻞ ..
ﻭﻣﻦ ﺩﻭﻥ ﺭﻭﺡ
ﻭﺑﺎﻗﻲ ﻗﻠﻴﺐ ﻣﻬﻤﻮﻡ ﻣﺠﺮﻭﺡ
ﺷﺎﻗﺔ ﻃﺮﻳﻖ ﺍﻟﻮﺟﻌﺔ ﺑﺮﺍﻳﺎ
ﻭﺍﺑﻜﻲ ﻭﺍﻧﻮﺡ
ﺧﻄﻮﺓ ﺗﻘﻴﻠﺔ ﻭﺷﻮﻕ ﻣﻔﻀﻮﺡ
ﻭﻛﻠﻤﺎ ﺃﻗﺒﻞ ﺃﻟﻘﻰ ﺧﻴﺎﻟﻚ ﻭﻳﻦ ﻣﺎ ﺃﺭﻭﺡ
ﻭﻛﻞ ﺍﻟﺤﺎﺻﻞ ..
ﺃﻧﺎ ﻗﺮﺭﺕ ﺑﺪﻭﻧﻚ ﺃﻭﺍﺻﻞ
____________________________
ﺟﻴﺖ ﻣﻦ ﻭﻳﻦ ﻭﺍﻧﺎ ﻟﺴﻪ ﺑﺮﻳﺪﻙ
ﻭﻟﺴﻪ ﻋﻴﻮﻧﻲ ﻋﻠﻴﻚ ﺑﻜﺎﺍﻳﻪ
ﺟﺎﻱ ﺗﻜﻮﺱ ﺍﺣﻼﻣﻨﺎ ﺍﻟﺠﺎﺍﻳﻪ
ﺍﻫـ ﻣﻦ ﻗﻠﺒﻚ ﻭﻗﻮﻩ ﻗﻠﺒﻚ
ﻳﻮﻡ ﺗﺎﻗﻴﺖ ﺍﻟﺒﺎﺏ ﺗﺎﻻﻱ
ﻳﻮﻡ ﻟﻤﻠﻤﺖ ﻭﺳﺎﻉ ﺍﻟﺤﻠﻲ
ﻳﻮﻡ ﺿﻴﻘﺖ ﻋﻠﻲ ﺩﻧﻴﺎﻱ
ﺍﺑﻜﻲ ﻋﻠﻴﻚ ﻭﺍﺑﻮ ﺍﻟﺘﻲ ﺗﻲ ﻳﺒﻜﻲ ﻋﻠﻲ
ﻭﻳﻦ ﻏﻄﺴﺖ ﺣﺠﺮ ﺍﻓﺮﺍﺣﻲ
ﻭﻳﻦ ﺑﺪﺩﺕ ﺍﻟﻀﻮﺀ ﺟﻮﺍﻱ
ﺗﺒﻨﻲ ﻭﻟﺒﻨﻲ ﻋﻠﻴﻚ ﻭﺭﺍﻙ ﺍﻓﺘﺶ
ﺩﺭﺏ ﺍﻟﺸﻮﻕ ﻣﺎﻋﻨﺪﻭ ﻧﻬﺎﻳﺔ
ﺍﺗﻮﺳﺪﺕ ﺭﺻﻴﻒ ﺍﻟﺮﺟﻌﻪ
ﻭﻣﺮﻩ ﻛﺘﻴﺮ ﻣﺎﻛﻨﺖ ﻣﻌﺎﻱ
ﺍﺗﻤﻨﻴﺘﻚ ﻧﻴﻞ ﻭﺑﻮﺍﺩﻱ
ﻭﻏﻴﻤﺔ ﻇﻠﻴﻠﻪ ﻭﺿﻞ ﻧﻴﻤﺎﻳﻪ
ﺍﺗﻤﻨﻴﺘﻚ ﻧﻮﺭ ﻳﺸﺮﻕ ﻭﻛﺖ ﻏﻄﺎ ﻏﻴﻤﺎﻳﻪ
ﻏﺒﺖ ﻭﺟﻴﺖ ﻣﻦ ﻭﻳﻦ ﻳﺎﻏﺎﻟﻲ
ﻭﺍﻧﺖ ﻣﺸﻴﺖ ﺧﻠﻴﺘﻨﻲ ﺍﻏﻨﻲ
ﺍﻟﻠﻪ ﺍﻟﻠﻴﻞ ﻳﺎﻟﻴﻠﻲ ﺑﺮﺍﻱ
ﺍﻫـ ﻣﺴﻜﻴﻦ ﻟﻲ ﻧﻔﺴﻲ ﺍﻣﻨﻲ
ﻭﻟﻲ ﺍﻟﻤﻴﺘﻴﻦ ﺗﺎﺭﻱ ﻣﻨﺎﻱ
ﺍﻻﻳﺎﻡ ﻣﺎﺳﻜﺎﻧﻲ ﺗﺤﺪﻧﺪﻙ
ﻣﺎﺩﻱ ﻟﺴﺎﻧﺎ ﺣﻼﺗﻪ ﻭﺩﻗﺪﻕ
ﻭﺍﻧﺖ ﺑﺮﺍﻙ ﻋﺎﺭﻑ ﺩﻧﻴﺎﻧﺎ
ﻟﻤﺎ ﺗﻜﻮﻥ ﺣﺎﺳﺪﻱ ﻭﻛﺎﻭﺍﻳﻪ
ﻏﺒﺖ ﻭﺟﻴﺖ ﻣﻦ ﻭﻳﻦ ﻳﺎﻏﺎﻟﻲ
ﻣﺎ ﺍﻻﺣﺰﺍﻥ ﻓﻲ ﻏﻴﺒﺘﻚ ﻛﺎﺑﻲ
ﻭﺟﺎﺭﻱ ﺑﺤﻮﺭ ﺍﻟﻬﻢ ﻟﻮﺍﻳﻪ
ﺍﻻﻳﺎﻡ ﻓﻲ ﻏﻴﺒﺘﻚ ﻗﺎﺳﻲ
ﻧﺎﺭ ﺍﻟﺸﻮﻕ ﺣﺎﺭﻩ ﻭﻗﻼﻳﻪ
...............
ﻣﻨﻮ ﺍﻟﺒﻘﺪﺭ ﻳﺸﻴﻞ ﺻﻤﺘﻲ
ﻭﻳﻌﺒّﺮ ﻋﻨﻮ ﺑﺎﻷﺣﺮﻑ
ﻭﻳﺪﻭﻧﻮ ﻓﻲ ﺷﻌﺎﻉ ﺍﻟﺸﻤﺲ ﺑﺎﻟﻜﻠﻤﺎﺕ
ﻣﻨﻮ ﺍﻟﺒﻘﺪﺭ ﻳﻜﻮﻥ ﺃﺣﻼﻡ
ﻭﻳﺎﺧﺪ ﻣﻦ ﺩﻣﻮﻉ ﻋﻴﻨﻲ
ﻭﻳﻐﺴﻞ ﺃﺳﺎﻳﺎ ﺑﺎﻟﺒﺴﻤﺎﺕ
ﻣﺘﻴﻦ ﻳﺎ ﻟﻴﻞ ...
ﺻﺒﺎﺡ ﺍﻟﺮﻳﺪ ﻳﻄﻞ
ﻓﻲ ﺩﻧﻴﺎ ﺃﻳﺎﻣﻲ
ﺗﺒﺎﺭﺡ ﻟﻬﻔﺔ ﺍﻷﺣﺰﺍﻥ
ﺗﺒﻠﻞ ﺷﻮﻕ ﻗﻠﺐ ﻇﺎﻣﻲ
ﻣﺘﻴﻦ ﻳﺎ ﻗﻤﺮﻱ ﺇﻧﺖ ﺗﻬﻞ
ﻭﺗﻄﻮﻱ ﺳﺘﺎﺋﺮ ﺍﻹﻇﻼﻡ
ﻭﺗﺒﻌﺪ ﺳﻄﻮﺓ ﺍﻷﻭﻫﺎﻡ
ﻭﻳﺴﻴﻞ ﺍﻟﻤﺪ ...
ﻳﻬﺪ ﺳﺪ ﺍﻟﺤﻮﺍﺟﺰ ﻫﺪ
ﺗﻌﺎﻝ ﻳﺎ ﺿﻮ
ﺗﻌﺎﻝ ﻳﺎ ﺃﻣﻠﻲ ﻓﻲ ﺍﻟﻤﺎﺿﻲ
ﺗﻌﺎﻝ ﻳﺎ ﺭﻣﺰ ﺣﻠﻢ ﺍﻟﻐﺪ
ﺗﻌﺎﻝ ﻳﺎ ﺭﻗﺔ ﺍﻷﻧﻔﺎﺱ
ﻭﺧﺖ ﺍﻟﺒﺸﺮﻯ ﻓﻲ ﺍﻹﺣﺴﺎﺱ
ﻭﺯﺡ ﺍﻟﺴﺪ
ﻋﺸﺎﻥ ﻣﺎ ﺗﺰﻏﺮﺩ ﺍﻵﻫﺎﺕ
ﻋﺸﺎﻥ ﻣﺎ ﺗﻜﺘﺮ ﺍﻟﺒﺴﻤﺎﺕ
ﻭﺗﻤﺘﺪ ﻓﻲ ﺍﻟﻤﺪﻯ ﻭﺗﻤﺘﺪ
ﺗﺠﻴﻨﺎ ﺍﻟﺒﻬﺠﺔ ﺗﺘﺸﺎﺑﻚ
ﺗﻬﺎﺟﺮ ﻓﻲ ﺍﻟﻤﻘﻞ ﺃﻓﺮﺍﺡ
ﻭﺗﻨﺰﺍﺡ ﺍﻟﻬﻤﻮﻡ ﺗﻨﻬﺪ
ﻭﻧﺮﺟﻊ ﺗﺎﻧﻲ ﻟﻸﺣﺒﺎﺏ
ﻧﻬﺪّﻱ ﺍﻟﻨﺒﺾ ﻭﺍﻷﻋﺼﺎﺏ
ﻭﻧﺰﺭﻉ ﺗﺎﻧﻲ ﺟﻨﺐ ﺍﻟﺒﺎﺏ
ﺷﺠﻴﺮﺍﺕ ﺍﻟﻮﺋﺎﻡ ﻭﺍﻟﻮﺩ
____________________
ﻳﺎﺗﺠﺎﺭ ﺍﻟﺮﻳﺪ ﺍﺳﺘﻨﻮ
ﻗﺒﻞ ﺍﻟﺮﻳﺪ ﺑﻨﺎﺗﻨﺎ ﻳﻀﻴﻊ
ﺻﺒﺢ ﺍﻟﺮﻳﺪ ﺑﻴﻨﺎﺗﻜﻢ ﺳﻠﻌﺔ
ﻫﻲّ ﺑﺘﺸﺮﻯ ﻭﺇﻧﺖ ﺗﺒﻴﻊ
ﻭﺇﻧﺖ ﺑﺘﺸﺮﻯ ﻭﻫﻲّ ﺗﺒﻴﻊ
ﺿﺎﻉ ﺍﻟﺤﺐ ﺑﻴﻨﺎﺗﻜﻢ ﺗﺎﻳﻪ
ﺃﺿﺤﻰ ﺍﻟﺤﺐ ﻣﻌﻨﺎﻫﻮ ﻓﻈﻴﻊ
ﻛﺎﻥ ﺍﻟﻤﻌﻨﻰ ﺗﻼﻗﻰ ﻭﺇﻟﻔﺔ
ﺣﻦ ﻭﺣﻨﺎﻥ ﻣﻦ ﻏﻴﺮ ﺗﺼﻨﻴﻊ
ﻭﻫﺴﻪ ..........
ﻫﺴﻰ ﺍﻟﺮﻳﺪ ﺇﺧﺘﻔﻰ ﻋﻨﻮﺍﻧﻮ
ﺿﺎﻉ ﺍﻟﺮﻳﺪ ﻭﺍﺧﺘﻞ ﻣﻴﺰﺍﻧﻮ
ﻭﺑﺤﺮ ﺍﻟﺮﻳﺪ ﺍﻟﻔﺎﻳﺾ ﻧﺒﻌﻮ
ﺟﺎﻓﻰ ﺍﻟﺸﺎﻃﻰﺀ ﻭﻧﺴﻰ ﺗﺤﻨﺎﻧﻮ
ﻭﺷﺠﺮ ﺍﻟﺮﻳﺪ ﺍﻟﻤﻮﺭﻕ ﻭﻣﺜﻤﺮ
ﻣﺎﻟﻮ !! ﺍﻟﻠﻴﻠﺔ ﻧﺎﺷﻔﻪ ﺃﻏﺼﺎﻧﻮ
ﻭﻧﺠﻢ ﺍﻟﺮﻳﺪ ﺍﻟﺒﺎﻫﻰ ﻭﺳﺎﻃﻊ
ﺑﻰ ﺃﻓﻌﺎﻟﻜﻢ !!!!!!!!
ﺗﺮﻙ ﺇﺷﺮﺍﻗﻮ ﻭﻓﺎﺗﺎ ﻣﻜﺎﻧﻮ
ﻭﻳﻨﻮ ﺯﻣﺎﻥ ﻧﺎﺱ ﻗﻴﺲ ﻧﺎﺱ ﻟﻴﻠﻰ
ﻭﻳﻨﻮ ﺧﻠﻴﻠﻮ ﻭﻭﻳﻦ ﺃﻟﺤﺎﻧﻮ
ﻭﻟﻰ ﺯﻣﺎﻥ ﻧﺎﺱ ﻋﻨﺘﺮ ﻭﻋﺒﻠﺔ
ﻭﺟﺎﻧﺎ ﺯﻣﺎﻥ ﻧﺎﺱ ﺑﺎﻋﻮ ﻭﺧﺎﻧﻮ
ﺍﻩ ﻳﺎﺟﻤﻴﻞ ﻟﻮ ﺷﻔﺖ ﺍﻟﺤﺎﺻﻞ
ﻫﺎﻥ ﺍﻟﺮﻳﺪ ﻭﺍﻟﻨﺎﺱ ﻫﺎﻧﻮ
ﻳﺎﺗﺠﺎﺭ ﺑﺎﻟﻠﻪ ﺍﺭﺟﻮﻛﻢ
ﺍﺗﺮﻛﻮ ﺭﻳﺪﻧﺎ ﻳﻌﻮﺩ ﻝ ﺃﻭﻃﺎﻧﻮ
ﻭﻧﻔﺮﺡ ﻧﺤﻨﺎ ﻣﻌﺎﻫﻮ ﻧﻐﻨﻰ
ﻋﺎﺩ ﺍﻟﺮﻳﺪ ﻋﺎﺩ ﻟﻴﻨﺎ ﺣﻨﺎﻧﻮ —
......................
ﻣﻔﺮﻭﺽ ﺃﺳﻴﺒﻚ ﻭﺃﻧﺴﺤﺐ ...
ﻣﻦ ﺩﻧﻴﺘﻚ ... ﻭﺃﻧﺴﺎﻙ ﻛﻤﺎﻥ ..
ﻣﻔﺮﻭﺽ ﺃﻓﺎﺭﻕ ﺳﻜﺘﻚ ...
ﻭﺃﻋﻤﻞ ﺣﺴﺎﺏ ﺍﻟﻤﺰﻟﻘﺎﻥ ..
ﻣﻔﺮﻭﺽ ﺃﻏﺎﺩﺭ ﺩﻭﻥ ﻭﺩﺍﻉ ..
ﻭﺃﻫﺮﺏ ﻣﻦ ﺍﻟﺤﺐ ﻭﺍﻟﺤﻨﺎﻥ ..
ﻭﻣﻔﺮﻭﺽ ﺃﺣﻜﻢ ﻋﻘﻠﻰ
ﻭﺍﻟﻤﻨﻄﻖ ﻭﺃﻓﻜﺮ ﺑﺄﺗﺰﺍﻥ ..
***
ﻟﻜﻦ ﻣﻨﻮ ﺍﻟﺒﻘﻨﻊ ﻋﻴﻮﻧﻰ
ﻭﺭﻭﺣﻰ ﻭﺍﻟﻘﻠﺐ ﺍﻟﻌﻨﻴﺪ؟
ﻭﻣﻨﻮ ﺍﻟﺒﻌﻠﻤﻨﻰ ﺍﻟﺠﻠﺪ ....
ﻭﺍﻟﻘﻮﻩ ﻭﺍﻟﺼﺒﺮ ﺍﻟﺸﺪﻳﺪ؟
ﻭﻣﻦ ﻭﻳﻦ ﺃﺟﻴﺐ ﺗﺎﻧﻰ ﺍﻟﻌﻤﺮ
ﻭﺃﺣﻠﻢ ﻭﺃﻓﻜﺮ ﻣﻦ ﺟﺪﻳﺪ؟
ﺃﻧﺎ ﻭﺃﻧﺘﻱ ﺑﻴﻨﺎﺗﻨﺎ ﺇﺧﺘﻼﻑ ...
ﻭﻋﻨﺎﺩ ...ﻭﺃﻧﻬﺎﺭ ﻣﻦ ﺟﻠﻴﺪ
ﺑﺲ ﺣﺘﻰ ﺇﺣﺴﺎﺱ ﺍﻟﺰﻋﻞ ..
ﻓﻰ ﺣﻀﺮﺗﻚ ﺇﺣﺴﺎﺱ ﺳﻌﻴﺪ!!!
ﻭﻟﻮ ﺣﺘﻰ ﻣﻜﺘﻮﺏ ﻟﻰ ﺃﻣﻮﺕ ...
ﺃﺣﺴﻦ ﺃﻣﻮﺕ ﻣﺎﺑﻴﻦ ﻗﻠﻴﺒﻚ ﻭﺍﻟﻮﺭﻳﺪ
............................
ﻳﺎﺣﺴﻲ ﻭﺍﺣﺴﺎﺳﻲ ﻭﻣﻨﺎﻱ
ﻳﺎﻛﻠﻤﺔ ﺑﻨﻄﻘﺎ ﻓﻲ ﻏﻨﺎﻱ
ﺑﻨﺴﺞ ﻧﺒﺾ ﻗﻠﺒﻚ ﺑﻴﻮﺕ ﻭﺃﺑﻨﻴﻬﺎ ﺷﺎﻥ ﺃﺳﻜﻦ
ﺑﺮﺁﻱ
ﻭﺃﻛﺘﺐ ﻋﻠﻴﻬﺎ ﺑﺮﻳﺪﻙ ﻣﻮﺕ ﻣﺎﺍﻟﺮﻳﺪ ﺻﺒﺢ
ﺯﺍﺩﻱ ﻭﻫﻨﺎﻱ
ﻭﺍﺳﺘﻞ ﺳﻴﻒ ﻋﺸﻘﻲ ﺍﻟﻮﻗﻒ ﻣﺎ ﺍﻟﺮﻳﺪ
ﻭﺻﻞ ﺣﺪ ﺍﻟﻮﺻﻒ
ﺗﻌﺒﺘﺎ ﺩﻡ ﻗﻠﻤﻲ ﺍﻟﺮﻋﻒ
ﻭﻭﻗﻔﺖ ﻛﺘﺎﺑﺎﺕ ﺍﻟﺤﺮﻭﻑ ﺃﻧﺎ ﻣﺎ ﺇﺑﺘﺪﻳﺘﺎ ﻣﻦ
ﺍﻷﻟﻒ:
ﺃ : ﺃﻧﺎﻣﻞ ﺗﻌﺘﺮﻑ
ﺏ: ﺑﻴﻮﺗﺎﺕ ﺍﻟﻮﺻﻒ
ﺕ: ﺗﺮﺍﻧﻴﻢ ﺍﻟﺤﺮﻑ
ﺙ: ﻧﺴﺎﺀﻙ ﺗﺮﺗﺠﻲ
ﺝ : ﺟﻮﺍﺑﺎﺕ ﻟﻠﺴﺆﺍﻝ
ﺡ : ﺣﻜﺎﻳﺎﺕ ﻟﻠﺨﻴﺎﻝ
ﺥ : ﺧﻠﻮﺩ ﺍﻹﺭﺗﺠﺎﻝ
ﺩ : ﺩﻻﻝ ﺍﻹﺣﺘﻴﺎﻝ
ﺫ : ﺫﻭﺍﻝ ﺍﻹﺣﺘﻤﺎﻝ
ﺭ : ﺭﺟﻮﻉ ﺍﻹﻣﺘﺜﺎﻝ
ﺯ : ﻭﺗﺮﺍﻫﻮ ﺯﻳﻦ ﺯﻳﻨﻚ ﻣﺤﺎﻝ
ﺱ: ﺳﺎﻗﺖ ﺳﺤﺎﺏ ﺳﻴﻨﻚ ﻣﺪﺍﺭ
ﻧﺎﺩﺕ ﻧﻘﺎﻁ ﺷﻴﻨﻚ ﺗﻌﺎﻝ
ﺹ: ﺻﺪﻕ ﻻﻓﻨﻮ ﺷﺎﻝ
ﺷﺎﻟﺖ ﻣﻦ ﺍﻟﻀﺎﺩ ﺍﻟﺪﻻﻝ
ﻁ : ﻃﺮﻕ ﻟﻺﻋﺘﺰﺍﺭ
ﻅ ﻇﺮﻭﻑ ﺍﻹﻧﻔﻄﺎﺭ
ﻉ : ﻋﻮﺍﻟﻢ
ﻍ : ﻏﻨﺎﺋﻢ
ﻑ: ﻓﻮﺍﺭﻕ ﺍﻹﻧﺸﻄﺎﺭ
ﻣﻜﺘﻮﺑﺔ ﻗﺎﻓﻚ ﻓﻴﻨﻲ ﻓﺎﻝ
ﻛﺂﺳﻴﺎﻧﻲ ﻛﺎﻓﻚ ﺗﺎﺝ ﺧﺼﺎﻝ
ﻭﺍﻟﻼﻡ ﺷﻠﻊ ﻧﻮﺭ ﺍﻟﻬﻼﻝ
ﻡ ﻣﺪﻥ ﻟﻺﻧﺘﺼﺎﺭ
ﻧﻮﺭ ﻗﻤﺮ ﻧﻮﻧﻚ ﻧﻬﺎﺭ
ﺟﺪﺗﻲ ﻓﻲ ﺍﻟﻬﺎﺀ ﺍﻟﻤﻨﺎﻝ
ﻭﺻﻴﺖ ﻋﻠﻲ ﻭﺍﻭﻙ ﺭﺟﺎﻝ
ﻭﺍﻟﻴﺎﺀ ﻗﻠﻴﺒﻲ ﺃﻧﺎ ﻟﻴﻬﺎ ﻣﺎﻝ
_
_
ﻭﻭﻗﻔﺖ ﻛﺘﺎﺑﺎﺕ ﺍﻟﺤﺮﻑ ﻭﺭﻳﺪﻱ ﻟﻴﻚ ﺃﻧﺎ
ﻣﺎﻭﻗﻒ
ﺃﻧﺎ ﺯﺍﺭﻋﻮ ﺭﻳﺪﻱ ﻣﻦ ﺍﻟﻌﺮﻭﻕ
ﺳﺎﻗﻴﻪ ﺑﻲ ﺩﻣﻊ ﺍﻟﻮﻟﻒ
ﻭﻟﻴﻠﻪ ﺟﺎﻱ ﻟﻲ ﺭﻳﺤﺔ ﺍﻟﺒﻦ
ﻋﺸﺎﻥ ﺑﻲ ﺭﻳﺪﻱ ﻟﻴﻚ ﺃﻧﺎ ﺃﻋﺘﺮﻑ
...................
ﻗﺒﻞ ﺣﺒﺮ ﺍﻟﺪﻣﻌﺔ ﻳﻨﺸﻒ ﻓﻲ ﻭﺭﻕ ﺧﺪﻙ ﻭ
ﻳﺠﻒْ
ﻭ ﻗﺒﻞ ﻋﻴﻨﻴﻚ ﻣﺎ ﺗﺤﺘﺤﺖ ﺑﺎﻗﻲ ﺣﺰﻧﻚ ﻟﻮ
ﺗَﺮِﻑْ
ﻛﻨﺖ ﺣﺎﺳﺲ ﺑﻴﻚ ﺣﺘﺮﺟﻊ ﻭ ﺑﺎﻛﺮ ﺍﻷﻳﺎﻡ ﺗﻠِﻒْ
ﺃﺭﻛﺐ ﺍﻟﻘﻄﺮ ﺍﻟﻠﻲ ﺟﺎﺑﻚ ﺩﻣﻌﻲ ﻣﻦ ﺑﻌﺪﻙ
ﻧِﺸِﻒْ
ﻗﺒﻞ ﻣﺎ ﺩﻣﻮﻋﻚ ﺗﺤﺮﻙ ﻓﻴﻨﻲ ﺫﻛﺮﻯ ﻭ
ﺃﻋﺘﺮﻑ
ﺇﻧﻲ ﻟﺴﻪ ﺑﺤﻦ ﻟﻴﻚ ﻭ ﺷﻮﻗﻲ ﻟﻴﻚ ﻣﺎ
ﺑﺘﻮﺻﻒ
.............................................
................................
ﻗﺒﻞ ﻣﺎ ﻳﻌﺎﻭﺩﻧﻲ ﺭﻳﺪﻙ ﻭ ﺃﻧﺴﻰ ﻛﻞ ﺍﻟﻘﻠﺘﻮ
ﻓﻴﻨﻲ
ﻭ ﻗﺒﻞ ﻣﺎ ﻋﻴﻮﻧﻚ ﺗﻔﺘﺶ ﻭ ﺗﻌﺮﻑ ﺍﻟﺪﺍﺳﺎﻫﻮ
ﻋﻴﻨﻲ
ﻗﺒﻞ ﺩﻣﻌﺎﺗﻚ ﺗﻄﻔﻄﻒ ﻧﺎﺭ ﺑﺘﺤﺮﻕ ﻓﻲ
ﺳﻨﻴﻨﻲ
ﺃﺭﺟﻊ ﺃﺣﺴﻦ ﺑﻲ ﻃﺮﻳﻘﻚ ﺧﺎﻳﻒ ﻳﻐﺪﺭ ﺑﻲ
ﺣﻨﻴﻨﻲ
ﻭ ﺃﻟﻘﻰ ﺭﻭﺣﻲ ﻣﺴﺎﻣﺤﺔ ﺗﺎﻧﻲ ﻭﻟﻴﻚ ﻧﺰﻳﻒ
ﺍﻟﺮﻳﺪ ﻭﻗﻒ
ﻭ ﺃﻟﻘﻰ ﻗﻠﺒﻲ ﻳﺠﻴﻚ ﺧﺎﺋﻒ ﻣﻦ ﺣﻨﺎﻧﻚ
ﻳﺮﺗﺠﻒ
.............................................
..........................
ﻛﻨﺖ ﻣﻬﻤﻮﻡ ﺇﻧﻲ ﺃﻧﺴﻰ .. ﺑﻌﺪ ﻧﺴﻴﺘﻚ ﺟﻴﺖ
ﺗﻌﺎﻧﻲ
ﻭ ﻛﻨﺖ ﻣﺤﺘﺎﺝ ﺇﻧﻲ ﺃﻗﺴﻰ ..ﻳﻮﻡ ﻳﻌﺎﻭﺩ ﺑﻴﻚ
ﺯﻣﺎﻧﻲ
ﺑﺲ ﻋﺸﺎﻥ ﺧﺎﻃﺮ ﻛﺮﺍﻣﺘﻲ .. ﻭ ﻛﺒﺮﻳﺎﺋﻲ
ﺑﻘﻮﻻ ﺗﺎﻧﻲ
ﻳﻼ ﺃﺭﺣﻞ ﻣﻨﻲ ﻭ ﺃﻣﺸﻲ.. ﻗﺒﻞ ﻣﺎ ﺗﺤﺮﻙ
ﺣﻨﺎﻧﻲ
ﻭ ﺃﻟﻘﻰ ﻧﻔﺴﻲ ﻋﻠﻰ ﺩﺭﻭﺑﻚ ﻭ ﺗﺎﻧﻲ ﻣﺎ ﺃﻗﺪﺭ
ﺃﻟﻒ
ﻭ ﺗﺒﺪﺃ ﺗﻠﻌﺐ ﺑﻲ ﻣﺸﺎﻋﺮﻱ ﻭ ﺃﻟﻘﻰ ﻛﻞ
ﺍﻟﻜﻮﻥ ﻋِﺮِﻑ
_ _ _ _ _ _ _ _ _ _ _ _ _ _ _
ﺍﺳﺒﻮﻉ ﺗﻤﺎﻡ ﺍﻧﺎ ﻛﻨﺖ ﻋﺎﻳﺶ ﻓﻲ ﺍﻟﺨﻴﺎﻝ
ﺍﻧﺴﺞ ﺣﺮﻭﻑ ﺳﻴﺎﻟﻪ ﺯﻱ ﺩﻣﻌﺎً ﺣﻨﻴﻦ ﻣﻦ
ﻋﻴﻨﻲ ﺳﺎﻝ
ﺍﺳﺒﻮﻉ ﺗﻤﺎﻡ ﺍﻧﺎ ﻭﺍﻟﻨﺠﻮﻡ ﺑﻨﺴﺄﻝ ﺍﻟﻠﻴﻞ
ﺍﻟﺤﺰﻳﻦ ﻟﻮ ﻣﺮﻩ ﻃﻴﻔِﻚ ﻟﻴﻬﻮ ﻃﺎﻝ
ﻭﻧﺒﻜﻲ ﺯﻱ ﺯﻭﻻً ﻣِﻮﺩﻉ ﺍﻟﺰﻣﻦ ﻟﻲ ﺭﻳﺪﻭ
ﺷﺎﻝ
ﻭﻧﺴﺮﺩ ﺣﻜﺎﻭﻳﻨﺎ ﻭﻧﺼﺒِّﺮ ﻓﻲ ﺍﻟﻌﻴﻮﻥ ﻳﺎﺭﻳﺘﻨﺎ
ﻧﻘﺪﺭ ﻧﻠﻘﻰ ﺣﺎﻝ
ﻣﺎ ﺣﺎﻟﻨﺎ ﻣﻦ ﺑﻌﺪﻙ ﻋﺬﺍﺏ ﻭﻓﺮﺣﻨﺎ ﻣﻦ
ﺑﻌﺪﻙ ﻣﺤﺎﻝ
ﻟﻮﺷﻔﺘﻲ ﻛﻴﻒ ﺇﺣﻦ ﺑﻨﺸﻴﻞ ﻛﻞ ﺍﻷﻣﻞ
ﻧﻔﺮُﺵ ﻃﺮﻳﻘٍﻚ ﺑﺎﻟﻮﺭﻭﺩ ﻭﻻ ﻣﺮﻩ ﻫﺎﻥ ﻟﻴﻨﺎ
ﺍﻟﻮﺻﺎﻝ
ﻭﻓﻲ ﻋﻴﻨﻴﺎ ﺷﻮﻗﻚ ﻳﺎﻋﻈﻴﻤﻪ ﺯﻱ ﺍﻟﺴﺤﺎﺏ
ﺇﻧﺎﺟﻴﻨﻲ ﻭﺍﺗﻘﺎﻃﺮ ﻟﻴﺎ ﻓﺎﻝ
ﻣﺎ ﺇﻧﺖ ﺍﻟﺒﺸﺎﺭﻩ ﻓﻲ ﻛﻞ ﻋﻴﺪ ..ﻭﺍﻧﺎ
ﺍﻟﺒﻌﻴﺪ ..ﻟﻤﺎ ﺍﻟﻘﻤﺮ ﺣﻜﻰ ﻟﻴﺎ ﻗﺎﻝ
ﻗﺎﻝ ﻟﻲ ﺇﻧﺘﻲ ﺑﻌﻴﺪﻩ ﺟﻨﺒﻮ ﻭﺍﻧﺎ ﺍﻟﻬﻨﺎﻙ
ﻓﻮﻕ ﺍﻟﺠﻤُﺮ ﺑﺒﻨﻲ ﺍﻟﻘﺼﻮﺭ ﻣﻦ ﺍﻟﺮﻣﺎﻝ
ﺍﺷﺘﺖ ﺍﻟﺮﻣﻞ ﺍﻟﺤﺰﻳﻦ ﻭﺍﺳﺄﻝ ﺍﻟﻮﺩِﻉ
ﺍﻟﺒﻴﺨﺪﻉ ﺇﻗﻮﻝ ﻟﻴﺎ ﺟﺎﻳﻪ ﻭﻣﻌﺎﻱ ﻭﺟﻮﺩﻙ
ﺇﺳﺘَﺤَﺎﻝ
ﺍﻧﺎ ﺍﺳﺄﻝ ﺍﻟﻨﺨﻞ ﺍﻟﺒﻬﺎﺗﻲ ﺇﻗﺒِّﻞ ﻭﺟﻴﻬﻮ
ﻭﻣﻨﻲ ﻣﺎﻝ
ﺍﻧﺎ ﺍﺳﺄﻝ ﺍﻟﻠﻪ ﻳﺠﻴﺒﻨﻲ ﻟﻴﻚ ﺍﺧﺠﻞ ﻛﺘﻴﺮ ﻣﻦ
ﺍﻟﺴﺆﺍﻝ
ﻣﺎ ﺩﺭﺑﻲ ﺑﻌﺪِﻙ ﻣﺎ ﺳﺎﺭﻭ ﺯﻭﻻً ﻭﻋﻴﻨﻴﺎ
ﻣﺎﺷﺎﻓﺖ ﺟﻤﺎﻝ
ﻭﺑﺨﻠﺘﻲ ﺍﻧﺘﻲ ﺑﺼﻮﺭﻩ ﻟﻲ ﺍﺳﺎﻫﺮ ﺑﻴﻬﺎ
ﺳﺎﻋﺎﺗﻲ ﺍﻟﻄﻮﺍﻝ
ﺑﺲ ﻋﺰﺍﻱ ﻓﻮﻕ ﺍﻟﺰﻣﻦ ﻭﻗﻮﻡ ﻳﺎﻓﺮﺡ
ﺍﺳﺮﻉ ﺗﻌﺎﻝ
ﻧﻮِّﺭ ﺑﺰﻳﻨﺎﺗﻚ ﺿﻼﻣﻨﺎ ﻭﻃﻮﻑ ﺑﺎﻟﺒﻮﺍﺩﻱ ﻏﻨﺎ
ﻭﻣﻮﺍﻝ
ﺭﻗِّﺺ ﺷﺒﺎﺑﻨﺎ ﺍﻟﻜﻠﻮ ﺭﻳﺪ ﺍﻓﺮﺩ ﺿﻔﺎﻳﺮﻥ
ﺍﻟﻄﻮﺍﻝ
ﻣﺎ ﺍﻧﺘﻲ ﺍﻭﻝ ﻓﺮﺣﻪ ﻟﻲ ﺧﺠﻼﻧﻪ ﻣﻦ
ﺍﻟﺨﺠﻞ ﻭﻟﻼ ﺍﻟﻤﺠﺎﻝ
ﻣﺎ ﺗﺮُﺩﻱ ﻗﻮﻟﻲ ﺑﺮﻳﺪﻙ ﺍﻧﺖَ ﻭﻟﻼ ﻗﻮﻟﻲ ﻟﻴﺎ
ﻛﻔﺎﻱ ﺳﺆﺍﻝ
ﺍﻧﺎ ﺍﺻﻠﻲ ﻣﺎ ﺳﺄﻟﺘﻚ ﺑﺮﺍﻱ .. ﺑﺘﺴﺄﻝ ﻣﻌﺎﻱ
ﻛﻞ ﺍﻟﻌﻮﺍﻃﻒ ﻓﻲ ﺍﺑﺘﻬﺎﻝ
ﺍﻧﺎ ﺍﺻﻠﻲ ﻣﺎ ﺑﺸﺘﺎﻕ ﺑﺮﺍﻱ .. ﺑﺸﺘﺎﻕ ﻣﻌﺎﻱ
ﺍﻟﻠﻴﻞ ﻭﺳﺮﻱ ﺍﻟﺪﺍﻓﻨﻮ ﻓﻴﻬﻮ ﻭﺍﻹﻧﻌﺰﺍﻝ
ﺍﻧﺎ ﺍﺻﻠﻲ ﻣﺎ ﺭﺩﺗﻚ ﺑﺮﺍﻱ .. ﺭﺍﺩﻭﻙ ﻣﻌﺎﻱ
ﻃﻴﺒﺔ ﺍﻷﺭﺽ ﻭﺯﺭﻉ ﺍﻷﺭﺽ ﻭﻧﺎﺱ
ﺍﻷﺭﺽ ﻗﺒﻞ ﺍﻟﻈﻼﻝ
ﺩﻩ ﻛﻠﻮ ﻓﻲ ﺍﺳﺒﻮﻉ ﺗﻤﺎﻡ ﺻﻮَّﺭﺗﻚ ﻋﺮﻭﺱ
ﻣﻠﻴﺎﻧﻪ ﺑﻲ ﻋﻄﺮ ﺍﻻﺭﺽ ﺗﺮﻗﺺ ﺗﻤﻴﻞ
ﻓﻲ ﺍﻹﻧﻬﺪﺍﻝ
ﻭﺍﻫﺪﻝ ﻣﻌﺎﻙ ﻋﻴﻨﻲ ﻋﺠﺐ ﺳﺒﺤﺎﻥ
ﺍﻟﺨﻠﻘِﻚ ﺫﻭ ﺍﻟﺠﻼﻝ ﻭﺧﻠﻘﻨﻲ ﺣﺎﺭﺳِﻚ
ﺑﺎﻟﻌﻴﻮﻥ ﺣﺄﻇﻞ ﺍﺣﺮﺳﻚ ﻳﺎﺟﻤﺎﻝ
____________________
ﺩﺍﺋﻤﺎ ﻃﺒﻌﻚ ﺯﻭﻝ ﻣﺘﺴـﺮﻉ
ﺷـﻮﻑ ﺍﻋﺰﺍﺭﻧﺎ ﻭﺍﺣـﻜﻢ ﻓﻴﻨﺎ
ﺣﺎﻝ ﺍﻟﺪﻧﻴﺎ ﻫﻤﻮﻡ ﻭﻣﺸﺎﻛﻞ
ﻗﺎﺳﻴﻪ ﻇﺮﻭﻓﻨﺎ ﻭﻣﺎ ﺑﺎﻳﺪﻳﻨﺎ
ﻗﺪﺭ ﺣﺎﻟﻨﺎ ﻭﺷﻮﻑ ﺍﻋﺰﺍﺭﻧﺎ
ﻭﻣﺎ ﻣﺸﺤﻮﺩ ﻳﺎ ﻏﺎﻟﻲ ﻋﻠﻴـﻨﺎ
ﻧﺤﻨﺎ ﺍﻟﺒـﻴﻨﺎ ﻣﻌﺎﻧﻲ ﻛﺒﻴﺮﻩ
ﺣﻜـﺎﻳﺔ ﺭﻳـﺪﻩ ﻭﺇﻟﻔــﻪ ﺣﻨﻴﻨﻪ
ﻛﻴﻒ ﻧﺘﻤﺎﺩﻱ ﻭﻧﺠﻬﻞ ﺭﻳﺪﻙ
ﻭﺍﻧـﺖ ﻫـﻮﺍﻙ ﻣﺤـﻜﺮ ﻓﻴـﻨﺎ
ﺩﺍﺋﻤﺎ ﺷﺎﻏﻞ ﺍﻟﺒﺎﻝ ﻭﺍﻟﺨﺎﻃﺮ
ﺭﻏﻢ ﻗﺴﺎﻭﺓ ﺍﻟﺪﻧﻴﺎ ﻋﻠﻴـﻨﺎ
ﻣﺎ ﻧﺎﻛﺮﻳﻦ ﻟﻠﺮﻳﺪﻩ ﻭﺣﺎﺗﻚ
ﻭﻋﺎﺭﻓﻴﻦ ﻗﻠﺒﻚ ﻣﺸﻐﻮﻝ ﺑﻴﻨﺎ
ﺑﺲ ﺧﻠﻴﻚ ﻳﺎ ﻏﺎﻟﻲ ﺣﻨﻴﻦ
ﻭﻛﻠﻢ ﻗﻠﺒـﻚ ﻳﺮﺿﻲ ﻋﻠﻴـﻨﺎ
ﻣﺎ ﺍﺗﺒﺪﻟــﻨﺎ ﻭﺣﺎﺗـﻚ ﻋﻨـﻚ
ﻭﻣـﺎ ﺑﻨﺘـﻐﻴﺮ ﻣﻬـــﻤﺎ ﺑﻘﻴــﻨﺎ
ﻟﺴﻪ ﻋــﻴﻮﻧﻚ ﻳﺎﻫﺎ ﻋــﻴﻮﻧﻚ
ﻻ ﺍﺗﻨﻜــﺮﻧﺎ ﻭﻻ ﺍﺗﻨﺎﺳــﻴﻨﺎ
ﻣﺎ ﺑﺎﻳﺪﻧﺎ ﻧﺴــﻴﺒﻚ ﺗــﺰﻋﻞ
ﺭﺑـﻚ ﻭﺣــﺪﻭ ﺍﻟــﻌﺎﻟﻢ ﺑﻴﻨــﺎ
ﻣﺎ ﻃﺎﻟﺒﻴﻦ ﻭﺣـﻴﺎﺗﻚ ﺣﺎﺟـﻪ
ﺑﺲ ﺍﻓﻘـﺪﻧﺎ ﻭﺍﺳـﺄﻝ ﻓﻴـﻨﺎ
......................
ﻣﺎﺑﻜﺮﻫﻚ !..
ﻟﻮ ﻧﺨﺘﻠﻒ ﺃﻭ ﻧﺘﻔﻖ.. ﻟﻮ ﻛﺎﻥ ﺧﻴﺎﺭﻙ
ﻧﻔﺘﺮﻕ
ﻣﺎﺑﻜﺮﻫﻚ !..
ﻷﻧﻮ ﻣﺎﺑﻄﻔﻲ ﺍﻟﺒﻌﺎﺩ ﻧﻴﺮﺍﻥ ﻫﻮﺍﻧﺎ
ﻭﻗﺖ ﺗﺒﻖ
ﻻﻋﻤﺮﻭ ﺣﺎﻳﻘﺪﺭ ﻓﺮﺍﻕ ..
ﻳﻔﺴﺪ ﻗﻀﺎﻳﺎﻙ ﻳﺎﻋﺸﻖ !..
ﻣﺎﺑﻜﺮﻫﻚ !..
ﻟﻮ ﺍﻧﺖ ﺧﻠﻴﺘﻨﻲ ﻭﺑﻘﻴﺖ ﻣﺎ ﺑﺴﻮﻱ
ﺭﻳﺪﻙ ﻭﺍﺳﺘﺤﻖ
ﻟﻮ ﺑﻌﺪﻙ ﺃﺿﻨﺎﻧﻲ ﺍﻟﺴﻬﺎﺩ ﻭﺍﻟﺸﻮﻕ
ﺣﺮﻕ ﺟﻮﺍﻱ ﺣﺮﻕ !..
ﻣﺎ ﺑﻜﺮﻫﻚ !..
ﻟﻮ ﺻﺒﺤﺖ ﺍﻷﺣﻼﻡ ﺭﻣﺎﺩ ..ﻭﺍﻟﻤﺮﺓ
ﺻﺒﺤﺖ ﻟﻲ ﺯﺍﺩ
ﻭﺃﺻﺒﺤﺖ ﻻﺟﺊ ﺑﻼ ﺑﻼﺩ ﻟﻮ ﻗﻄﻊ
ﺍﻟﺸﻮﻕ ﺍﻟﻔﺆﺍﺩ
ﻟﻮ ﻓﻴﻨﻲ ﺷﻤﺖ ﺍﻟﺨﻠﻖ!.
ﻣﺎﺑﻜﺮﻫﻚ !..
ﻟﻮ ﻏﻴﺮ ﺍﻟﻨﻴﻞ ﺳﻜﺘﻮ.
ﻟﻮ ﺍﻟﻔﺮﺍﺵ ﻫﺠﺮ ﺍﻟﺰﻫﻮﺭ
ﺍﻟﺤﺒﺘﻮ
ﻟﻮ ﺍﻟﺴﻤﺎﺀ ﻓﻮﻕ ﺍﻷﺭﺽ
ﻳﺠﻲ ﻣﻨﻄﺒﻖ
ﻣﺎ ﺑﻜﺮﻫﻚ !..
ﺑﻌﻴﺶ ﻋﻠﻰ ﻋﺸﻢ ﺍﻟﻤﻄﺮ ...
ﻟﻮ ﺟﺎﻱ ﻣﻦ ﺟﻴﻬﺘﻚ ﺑﺮﻕ
ﻛﻴﻒ ﺃﻛﺮﻫﻚ؟ ..
ﻣﺎ ﻛﺎﻥ ﻗﺒﻴﻞ ﺣﺒﻚ ﺗﺮﻑ .
ﻻﻛﺎﻥ ﻫﻮﺍﻱ ﺩﻭﺭﺍﻥ ﻭﻟﻒ
ﻻ ﻗﻠﺒﻲ ﻋﻠﻰ ﻏﻴﺮﻙ ﻋﻄﻒ
ﻋﺸﺎﻥ ﻳﻮﻡ ﺗﻔﻮﺕ ﺣﺒﻚ ﻳﻤﻮﺕ
ﺻﻮﺗﻚ ﻳﻜﻮﻥ ﻣﺎﻋﻨﺪﻭ ﺻﻮﺕ .
ﻣﺎ ﺃﻟﻘﻰ ﻟﻴﻚ ﺣﺒﺔ ﺃﺳﻒ .
ﻣﺎﺑﻜﺮﻫﻚ !..
ﻣﻬﻤﺎ ﻗﺴﻴﺖ ﻭﻗﻔﻠﺖ ﺑﺎﺏ ﺍﻟﺮﻳﺪﻩ
ﻛﻒ
ﻻ ﺩﻣﻌﻪ ﺳﺎﻟﺖ ... ﻻ ﺁﺁﺁﻩ .....
ﻻ ﺷﺮﻳﺎﺍﺍﻥ ﻧﺰﻑ
ﺍﻧﺎ ﻟﺴﻪ ﺑﺸﺘﺎﻕ ﻟﻴﻚ ﺍﺣﻦ .
ﺍﺗﻌﺎﻃﻰ ﺫﻛﺮﺍﻙ ﺑﺸﻐﻒ
ﻋﺸﺎﻥ ﺗﺪﺧﻞ ﺍﻧﺖ ﻣﻦ ﺍﻱ ﻓﺞ
ﻓﺘﺤﺖ ﺑﺎﺏ ﺍﻟﺸﻮﻕ ﺿﻠﻒ..
ﻋﺸﺎﻥ ﺗﺪﺧﻞ ﺍﻧﺖ ﻣﻦ ﺃﻱ ﻓﺞ
ﺭﻏﻢ ﺍﻧﻲ ﻋﺎﺭﻓﺎﻙ ﻣﺎ ﺑﺘﺠﻲ ﻻ
ﺑﺎﻟﻤﻮﺍﻋﻴﺪ ﻻ ﺍﻟﺼﺪﻑ
ﻣﺎﺑﻜﺮﻫﻚ !..
ﺭﻏﻢ ﺍﻷﺳﻰ ﻭﺣﺒﻞ ﺍﻟﻮﺻﺎﻝ ﺍﻹﺗﻨﺘﻒ
ﻛﻴﻒ ﻳﻜﺮﻩ ﺍﻟﻌﺮﻑ ﺍﻟﻬﻮﻯ.
ﻭﺍﻟﻌﺎﻳﺶ ﺍﻟﺮﻳﺪ ﺑﺸﺮﻑ
ﻣﺎﺑﻜﺮﻫﻚ
.........................
ﻣﺎ ﺧﺎﻟﺺ ﻧﺤﻦ ﺍﻓﺘﺮﻗﻨﺎ ﻭﺭﻭﺣﺖ ﺭﻳﺪﺗﻰ
ﺍﻟﺒﺮﻳﺪﻩ
ﻭﻗﺴﻤﻪ ﻏﺎﻳﺘﻮ ﺍﻋﻴﺶ ﺑﺪﻭﻧﻪ ﻻ ﺑﺎﻳﺪﻯ ﻭﻻ
ﺑﺎﻳﺪﻩ
ﻳﺎ ﺯﻣﻦ ﻣﺎﺑﺘﻨﺴﻰ ﺍﺻﻠﻚ ﺣﺎﻟﺘﻰ ﻗﺎﻳﻠﻚ ﺍﻧﺖ
ﻧﺎﺳﻰ
ﻻ ﺑﺘﺠﻴﺐ ﺍﻟﻔﺮﺣﻪ ﻋﻤﺮﻙ ﻭﻻ ﻣﺮﻩ ﻫﻮﻧﺖ
ﺍﻟﻘﻮﺍﺳﻰ
ﻭﻟﻢ ﻋﺸﺖ ﻋﻴﻮﻥ ﺟﻤﻴﻠﻪ ﻭﻓﻴﻬﺎﺭﺳﻴﺖ
ﺍﻟﻤﺮﺍﺳﻰ
ﺟﻴﺖ ﺗﺒﻜﻰ ﺍﻟﻔﺮﺣﻪ ﻓﻴﻨﺎ ﺯﻯ ﻋﻴﻮﻥ ﺑﺎﻛﻴﻪ
ﺍﻻﻣﺎﺳﻰ
ﻭﻟﻢ ﻧﺤﻨﺎ ﺑﺪﻳﻨﺎ ﺭﻳﺪﻧﺎ ﺍﺻﻠﻮ ﻣﺎ ﻗﺎﻳﻠﻴﻦ ﺑﻨﺸﻘﻰ
ﻛﻨﺎ ﻗﺎﻳﻠﻴﻦ ﻗﺪﺭ ﻧﻴﺘﻮ ﻛﻞ ﺯﻭﻝ ﻓﻰ ﺍﻟﺪﻧﻴﺎ
ﺑﻠﻘﻰ
ﺗﺎﺭﻯ ﻟﻢ ﺧﻄﺎﻧﺎ ﻟﻤﺖ ﻟﻴﻨﺎ ﻛﺎﻧﺖ ﺧﺎﺗﻪ ﻓﺮﻗﻪ
ﻭﺍﺻﻠﻮ ﻣﺎ ﻗﺎﻳﻠﻴﻦ ﺣﻨﺎﻧﻚ ﻳﺎ ﺯﻣﻦ ﺑﻨﺸﻴﻠﻮ
ﺣﺮﻗﻪ
ﺍﺑﻜﻰ ﻳﺎ ﻋﻴﻨﻰ ﻓﺮﺍﻗﻪ ﻭﺩﻣﻌﻪ ﻣﺎ ﺗﺨﻠﻴﻬﺎ
ﻓﻴﻜﻰ
ﻣﺎ ﺍﻟﺰﻣﺎﻥ ﺍﻟﺸﺎﻟﻪ ﻣﻨﻚ ﺗﺎﻧﻰ ﺷﻦ ﺧﻼﻫﻮ
ﻟﻴﻜﻰ
ﺍﺑﻜﻰ ﻋﻴﺸﻰ ﺍﻟﺪﻧﻴﺎ ﺍﻫﻪ ﻭﻓﻰ ﺍﻟﺴﻌﺎﺩﻩ ﻭﻻ
ﻋﻠﻴﻜﻰ
ﻭﻳﺎ ﺣﻠﻴﻠﻚ ﺍﻧﺖ ﺿﺎﻳﻌﻪ ﻭﻳﺎ ﺣﻠﻴﻞ ﺍﻟﺒﺸﺘﻬﻴﻜﻰ
.........................
ﻛﺎﻳﺲ ﻣﻌﺎﻙ ﻓﺮﺻﻪ ﻛـــــــﻼﻡ
ﻭﺭﻳﻨﻲ ﺑﺎﺑﻚ ﻭﻣﺪﺧﻠــــــــــــﻚ
ﺍﺷﺮﺡ ﻣﻌﺎﻙ ﻗﺼﺔ ﻫــــــــﻮﺍﻱ
ﺗﺪﻳﻨﻲ ﺍﺧﺮﻙ ﻭﺍﻭﻟـــــــــــــــﻚ ........
ﺻﺪﻗﻨﻲ ﻳﺎ ﺳﻴﺪ ﺍﻟﺤــــــﺮﻭﻑ
ﺍﻧﺎ ﻟﻲ ﻋﻴﻨﻴﻚ ﻋﺎﺷﻖ ﻭﻟﻮﻑ
ﻛﻞ ﻣﺎ ﺍﺷﻮﻓﻚ ﻭﺍﻟﻤﺤـــــــــﻚ
ﺑﻠﻘﻲ ﺍﻟﻌﻴﻮﻥ ﻛﺎﺳﻴﻬﺎ ﺧﻮﻑ
ﺣﺘﻲ ﺍﻟﻜﻼﻡ ﻟﺤﻈﺔ ﻟﻘــــــﺎﻙ
ﺑﻨﺴﻲ ﺍﻟﻤﺨﺎﺭﺝ ﻭﺍﻟﺤــــﺮﻭﻑ
ﻭﺭﻳﻨﻲ ﻛﻴﻒ ﺍﻭﺻﻞ ﻋـــــــﻼﻙ
ﻭﺍﻛﺴﺮ ﺣﻮﺍﺟﺰﻙ ﻭﺍﻟﻈـــــﺮﻭﻑ .........
ﻣﺴﺘﻨﻲ ﻣﻦ ﻋﻴﻨﻴﻚ ﺍﺷﺎﺭﻩ
ﺑﻴﻬﺎ ﺗﺪﻳﻨﻲ ﺍﻟﻤﻴﻌـــــــــــــﺎﺩ
ﺍﻭ ﻣﺮﻩ ﺑﺲ ﺗﻌﻄﻒ ﻋﻠــــــﻲ
ﻭﺍﺗﻨﺎﺳﻲ ﺟﻮﺭﻙ ﻭﺍﻟﺒﻌـــــــﺎﺩ
ﻭﺍﻛﺘﺐ ﻣﻌﺎﻙ ﻗﺼﺔ ﻏــــــــﺮﺍﻡ
ﻻ ﻓﻴﻬﺎ ﺟﻔﻮﻩ ﻭﻻ ﻋﻨــــــــــﺎﺩ
ﻣﺤﻔﻮﻇﻪ ﻓﻲ ﺣﺪﻕ ﺍﻟﻌﻴـﻮﻥ
ﻣﻜﺘﻮﺑﻪ ﺑﻲ ﻧﺒﺾ ﺍﻟﻔـــــــﺆﺍﺩ
...........................
ﺷﺒﻬﻴﻨﺎ ﻭﺇﺗﻼﻗﻴﻨﺎ ﻓﻲ ﺑﺎﺏ ﺍﻟﻐﻨﺎ ﺍﻟﻮﺭﺍﻧﻲ
ﻧﻘﻨﻘﺔ ﻟﻠﺤﺮﻭﻑ ..
ﺟﺮﻳﻨﺎ ﺑﻲ ﺇﻳﺪﻳﻨﺎ
ﻛﻴﺘﻨﺎ ﻟﻴﻨﺎ
ﺟﻬﺠﺔ ﺍﻟﻈﺮﻭﻑ
ﻭﺑﻘﻴﻨﺎ ﻧﻨﺪﻩ ﻟﻲ ﺣﻮﺍﺱ ﺍﻟﻀﻠﻤﻪ
ﻛﺎﻥ ﻳﺸﻊ ﺟﻮﺍﻧﺎ ﺇﺣﺴﺎﺱ ﺍﻟﻜﺘﺎﺑﻪ
ﺃﻭ ﻧﺪﻭﺱ ﻛﻞ ﺍﻟﺮﺗﺎﺑﻪ
ﺍﻟﻌﺒﺖ ﺍﻟﻜﺎﺗﻤﻨﻮ ﺧﻮﻑ
ﻧﻨﺰﻑ ﻭﻻ ﺷﺎﻳﻔﻴﻦ ﻧﺰﻳﻒ ﻣﺎﺷﻴﻦ ﻭﻻ
ﻗﺎﺩﺭﻳﻦ ﻧﻘﻴﻒ
ﺣﺎﺟﺔ ﺍﻟﺪﻭﺍﺧﻞ ﻟﻠﻌﻮﻳﻞ
ﻫﻲ ﺍﻟﺘﻘﻠﺖ ﺻﻮﺗﻚ
ﻣﻨﺎﻙ ﺍﻟﺮﺟﻌﺔ ﻗﺒﺎﻝ ﻣﺎﻳﺤﻴﻦ ﻣﻮﺗﻚ
ﻭﻛﺖ ﻋﻤﺮﻙ ﻗﺼﺮ
ﻣﺎﺑﺘﻨﺘﺼﺮ
ﻭﺇﻧﺖ ﺑﺘﺤﺎﺭﺏ ﻓﻴﻚ ﺃﻛﺎﻥ ﻳﻮﻡ ﺗﺴﺘﺮﻳﺢ
ﺣﺮﻗﺔ ﻭﻭﺣﻴﺢ
ﻭﺇﻧﺖ ﺑﺘﻄﻴﺐ ﻓﻲ ﺟﺮﻭﺡ ﺧﻠﻖ ﺍﻟﻠﻪ
ﻭﺇﺣﺴﺎﺳﻚ ﺟﺮﻳﺢ
ﻭﻣﺼﻴﺒﺔ ﻛﺎﻥ ﻣﺮﻕ ﺍﻟﻤﺪﺳﺪﺱ ﻭﺣﺒﻪ ﺣﺒﻪ
ﺍﻟﻨﺎﺱ ﻗﺮﻭ
ﺍﻟﻨﺒﺰﻭ ﺍﻟﺪﻡ ﻓﻲ ﺍﻟﻌﺮﻭﻕ ﻗﺒﺎﻝ ﻣﺎﻳﺪﺧﻞ
ﺷﻜﺮﻭ
ﻭﻗﻠﺒﻲ ﺍﻟﻤﻌﺒﺎ ﻫﻮﺍ ﻭﻗﺼﻴﺪ ﺑﺎﻟﺮﻳﺪﺓ
ﻭﺍﻟﻌﺒﺮﺍﺕ ﻫﺮﻭ
ﻭﺍﻟﻤﺎﺿﻲ ﻫﻮ ﺍﻟﺒﺸﻬﺪ ﻣﻌﺎﻙ
ﻟﻜﻨﻬﻢ ﺟﺎﺭﻭ ﻭﻧﺴﻮ
ﻭﻣﻨﺎﻳﺎ ﺍﺭﺟﻊ ﺯﻱ ﺯﻣﺎﻥ ﻏﻨﺎﻳﺔ ﻓﻲ ﺑﻴﺖ ﻣﻦ
ﺷﻌﺮ
ﻧﺴﻤﺔ ﺑﺘﻤﺮ ﻓﻲ ﺟﻠﺪ ﺟﻔﺎﻙ ﻻﻣﻦ ﺣﻮﺍﺳﻚ
ﺗﻘﺸﻌﺮ
ﺁﻩ ﻭﻣﺤﺒﺔ ﻭﺇﺣﺘﺮﺍﻡ
ﻓﻮﺿﻰ ﻭﺗﺰﺍﺣﻢ ﻭﺇﻧﺴﺠﺎﻡ
ﻣﺘﻤﺎﺳﻜﺔ ﻓﻲ ﻣﻴﻞ ﺍﻟﻮﻃﻦ
ﺑﺘﺎﺩﻯ ﺿﺪ ﻫﺎﺩﺍ ﺍﻟﻨﻈﺎﻡ
ﺗﺒﺖ ﻳﺪﺍ ﺃﻛﺒﺮ ﻛﺒﻴﺮ
ﻟﻮ ﺇﻳﺪﻭ ﻏﺮﻗﺖ ﻓﻲ ﺍﻟﺤﺮﺍﻡ ﻣﻦ ﺣﻘﻮ ﻳﻌﻤﻞ
ﻣﺎﻳﺮﻳﺪ
ﻃﻮﻝ ﻣﺎﺿﻤﺎﻳﺮ ﺍﻟﻨﺎﺱ ﻧﻴﺎﻡ
ﻭﺍﻧﺎ ﻫﺴﻪ ﺑﺒﻜﻲ ﻭﺑﺤﺘﻀﺮ ﺷﺎﺑﻦ ﻋﻮﻳﻨﺎﺕ
ﺍﻟﺸﻤﺲ
ﻭﺑﻘﻴﺖ ﺑﺸﻮﻓﻨﻲ ﺿﻼﻡ ﺿﻼﻡ
ﻭﺳﺮﺩﺏ ﺿﻬﺮ ﺑﺎﻗﻲ ﺍﻟﻜﻼﻡ
ﻭﺍﻟﻘﺼﺔ ﻛﺎﻥ ﺻﻌﺒﺖ ﻋﻠﻲ ﺃﻫﻲ ﺩﻱ
ﺍﻟﺒﺪﺍﻳﺎﺕ ﻟﻠﺨﺘﺎﻡ
________________________
ﻟﻮ ﺭﺳﺎﻟﺔ ﺗﺼﻠﻨـﻰ ﻣﻨﻚ
ﺗﻔﻀﺢ ﺍﻟﺮﻳــﺪ ﻭﺍﻟﻤﺸـﺎﻋﺮ
ﺣﺘﻰ ﻟﻮ ﻣـﺎ ﻓﻴﻬﺎ ﻛﻠﻤـﺔ . . .
ﺑﺮﺿﻰ ﺑﻰ ﺍﺣﺴﺎﺳـﻰ ﺷﺎﻋﺮ
ﺑﺒﻘﻰ ﻣﺠﻬـﻮﻝ ﺍﻟﻬﻮﻳـﺔ . . .
ﻭﺣﺘﻰ ﻟﻮ ﻋﻨﻮﺍﻧـﻰ ﻇﺎﻫــﺮ
ﻟﻮ ﺭﺳﺎﻟﺔ ﺗﺠﻴﻨﻰ ﻣﻨﻚ
ﺃﻭ ﺧﻄﺎﺏ ﻣﻦ ﻛﻠﻤﺘﻴﻦ
ﺑﺲ ﺗﻮﺿﺢ ﻓﻰ ﻛﻼﻣﻚ
ﺍﻧﻮ ﻣﺎﺑﺘﻨﺴﻰ ﺍﻟﺴﻨﻴــﻦ
ﺭﺣﻠﺘﻚ ﻟﻤﺘﻴـﻦ ﺣﺘﺨﻠـﺺ؟
ﻭﺗﺎﻧﻰ ﺗﺮﺟـﻊ ﻳﺎ ﺣﻨﻴــﻦ
ﻭﺣﺸـﺔ ﻋﺸﻨـﺎﻫـﺎ ﻓﻰ ﻏﻴﺎﺑﻚ
ﻭﺳﻜﺔ ﺍﺗﺮﺳﻤــﺖ ﺃﻧﻴــﻦ
ﻭﻟﺴﻪ ﻓﻰ ﺑﻌـﺎﺩﻙ ﺑﻌﺎﻧـﻰ
ﻭﻟﺴﻪ ﻣﺤﺘــﺎﺭ ﻣﻦ ﺳﻨﻴــﻦ
ﻟﻮ ﺭﺳﺎﻟﺔ .. ﻭﺍﻧﺖ ﻓﻰ ﺑﻠﺪﻙ ﺑﻌﻴﺪ
ﺃﻭ ﺗﺤﻴﺔ ﺗﺠﻴﻨـﻰ ﻣﻨﻚ
ﻭﺃﺑﻘﻰ ﺃﻛﺘﺮ ﻣﻦ ﺳﻌﻴــﺪ
ﻣﺎ ﺣﺘﺨﺴﺮ ﻟﻮ ﺗﺮﺳـﻞ
ﺃﻭ ﺗﺠـﺎﻣﻞ . . . ﺃﻭ ﺗﻬﻨـﻰ
ﻳﻮﻡ ﻳﻄﻞ ﻓﻰ ﺍﻟﺪﻧﻴـﺎ ﻋﻴـﺪ
ﺃﻃـﺮﻯ ﺃﻫﻠﻚ ﻭﺍﻟﺤﺒﺎﻳـﺐ
ﻭﺃﻭﻋــﺎ.. ﻣﺎ ﺗﺼﺒﺢ ﻋﻨﻴــﺪ
ﻟﻮ ﺭﺳﺎﻟﺔ ﻋﺸﺎﻥ ﻗﺮﺍﻳﺒﻚ
ﺃﻭ ﺣﺒﺎﻳﺒــﻚ . . . .
ﻓﻴﻬـﺎ ﺗﺘﺪﻓﻖ ﻣﻌــﺎﻧـﻰ
ﻓﻴﻬـﺎ ﺑﺘﺄﻛﺪ ﺑـﺄﻧـﻮ
ﺗﺎﻧــﻰ ﻣﺎﺑﺘﻨﺴﺎﻧﺎ ﺗﺎﻧﻰ
ﻟﻮ ﺑﺘﻌﺮﻑ ﻧﺤﻨـﺎ ﺷﺎﻥ
ﻋﻴﻨﻴـﻚ ﺑﻌﻴــﺪﺓ . . .
ﻳﺎﻣـﺎ ﺷﻴﻌﻨــﺎ ﺍﻷﻣﺎﻧـﻰ . . .
ﻭﺗﻬﻨـﺎ ﺷﺎﻳﻠﻴـﻦ ﻣﺮﻩ ﺻﻮﺭﺗﻚ
ﻭﻣﺮﺓ ﻧﺒﻜـﻰ ﻣﻊ ﺍﻷﻏﺎﻧــﻰ
ﻗﻠﻨﺎ ﻧﻨﺴﺎﻙ .. ﻣﺎ ﻗﺪﺭﻧﺎ
ﻭﻟﻤﺎ ﻧﺘﺬﻛﺮ ﻋﻴﻮﻧﻚ
ﺑﺮﺿﻮ ﻧﺮﺟـﻊ ﻧﺒﻜﻰ ﺗﺎﻧﻰ
ﻧﺸﺘﻞ ﺍﻷﻓﺮﺍﺡ ﺃﺯﺍﻫﺮ
ﻭﻧﺰﺭﻉ ﺍﻟﺒﺎﻗﺎﺕ ﻣﺤﺒﺔ
ﻟﻰ ﺣﻀﻦ ﺃﻡ ﺍﻟﻤﺆﺍﻧﻰ
ﻟﻮ ﺭﺳﺎﻟﺔ ﺗﺼﻠﻨﻰ ﻣﻨﻚ
ﻳﺎﻣﺎ ﺣﺘﺤﻠﺤﻞ ﻃﻼﺳﻢ
ﻭﻳﺎﻣﺎ ﺣﺘﻐﻴﺮ ﻣﻌﺎﻧﻰ
_______________________
ﺩﺧﻠﺖ ﻓﻴﻚ ﻳﺎﺯﻭﻝ ﺑﺎﻟﻘﻮﻩ
ﻭﺍﻭﻋﻲ ﺗﻘﺎﻭﻡ ﺭﻳﺪﺍ ﺑﺘﺨﺴﺮ
ﺟﺎﺗﻚ ﺟﺎﻫﺰﻩ _ﺑﻨﻴﻪ ﻓﺘﻮﻩ
ﺗﻌﺎﻓﺮ ﻓﻴﻚ ﻻﻣﻦ ﺗﺠﺘﺎﺣﻚ
ﻭﺗﻌﻠﻦ ﺃﺳﺮﻫﺎ ﻟﻴﻚ ﻣﻦ ﺟﻮﻩ
ﺩﺧﻠﺖ ﻭﻛﺎﻧﺖ ﻗﺎﺻﺪﻩ ﻋﻴﻮﻧﻚ
ﻣﺎﻫﻤﺎﻫﺎ ﺍﻟﺼﺪ ﻣﻦ ﻧﺎﺳﻚ
ﻭﻗﻮﻩ ﺭﺍﺳﻚ _ﻭﻋﺘﻤﻪ ﻛﻮﻧﻚ
ﺑﺖ ﺑﺎﻟﻀﺤﻜﻪ ﺗﺒﻴﺪ ﺃﺣﺰﺍﻧﻚ
ﻭﻟﻤﺎ ﺗﻨﺎﺩﻱ ﻋﻠﻴﻚ ﺑﻲ ﻟﻬﻔﻪ
ﺗﻄﺶ ﻣﻦ ﺭﺍﺳﻚ ﻛﻞ ﺍﻭﺯﺍﻧﻚ
ﺑﺖ ﻳﺎﻧﺎﺱ ﻭﺍﻟﻠﻪ ﺗﻌﻘﺪ
ﻭﺑﺪﻋﻪ ﺭﺑﻨﺎ ﻓﻲ ﻋﻴﻨﻴﻬﺎ
ﻳﻤﻴﻦ ﺑﺘﺰﻳﺪ ﻳﺎﺯﻭﻝ ﺇﻳﻤﺎﻧﻚ
ﺩﺧﻠﺖ ﻭﻛﺎﻧﺖ ﻓﻴﻚ ﺷﺎﻳﻔﺎﻫﺎ
ﻟﺴﻪ ﻣﺴﻮﺩﻩ ﺟﻮﻩ ﻗﻠﻴﺒﻚ
ﻭﻟﺴﻪ ﻋﻴﻮﻧﻚ ﻣﺎﻧﺎﺳﻴﺎﻫﺎ
ﺑﺲ ﺟﺎﺕ ﺩﻏﺮﻱ_ﻭﻻﻫﻤﺎﻫﺎ
ﻭﻋﺎﺭﻓﻪ ﺑﺈﻧﻬﺎ ﻻﺯﻡ ﺗﻮﺻﻞ
ﻭﺇﻧﻚ ﻻﺯﻡ ﻳﻮﻡ ﺗﻬﻮﺍﻫﺎ
ﺩﺧﻠﺖ ﻭﺭﺳﻤﺖ ﻓﻴﻬﺎ ﻣﻼﻣﺤﻚ
ﺧﻠﺖ ﻋﻴﻨﻴﻚ ﻓﻴﻬﺎ ﺗﺸﻮﻓﻚ
ﻭﺗﻘﺪﺭ ﺗﻔﺮﺯ
ﺑﻴﻦ ﺍﻟﺘﻐﻠﻂ ﻓﻴﻬﺎ ﻋﻴﻮﻧﻚ
ﻭﺑﻴﻦ ﺍﻟﺘﻐﻠﻂ ﻓﻴﻚ ﻋﻴﻨﻴﻬﺎ
ﻭﺗﺠﻲ ﺗﺘﻌﺬﺭ ﻟﻴﻚ ﻭﺗﺴﺎﻣﺤﻚ
ﺑﺖ ﺗﻬﻮﺍﻙ ﻭﺗﺤﺎﺭﺏ ﻓﻮﻗﻚ
ﻣﺎﺑﺘﺮﺿﺎﻫﺎ ﺍﻟﻨﺴﻤﻪ ﺗﺼﻴﺒﻚ
ﻭﻣﺎﺑﺘﺘﻘﺒﻞ ﺷﻮﻕ ﻏﻴﺮ ﺷﻮﻗﻚ
ﻫﻤﻬﺎ ﺑﺲ ﺇﻧﻚ ﺗﺒﻘﺎﻟﻬﺎ
ﻭﺗﺪﻓﻦ ﺣﻨﻬﺎ ﺟﻮﻩ ﻋﺮﻭﻗﻚ
ﺑﺖ ﻣﻮﺯﻭﻧﻪ ﻗﻮﺍﻓﻲ ﻗﻮﺍﻓﻲ
ﺗﺤﺮﻕ ﻓﻴﻚ ﻛﻞ ﺍﻟﻤﺎﻧﺎﻓﻊ
ﻭﻓﻴﻚ ﺗﺒﻨﻴﻼ ﺑﻴﻮﺕ ﻭﻣﺮﺍﻓﻲ
ﺗﻤﺮﻕ ﻣﻨﻚ ﻛﻞ ﺃﺣﺰﺍﻧﻚ
ﻭﺗﺠﻠﺐ ﻟﻴﻚ ﺍﻓﺮﺍﺡ ﻣﻦ ﻣﺎﻓﻲ
ﺑﺖ ﻋﻴﻨﻴﻬﺎ ﻭﻃﻦ ﻋﻠﺸﺎﻧﻚ
ﻭﻛﻞ ﺍﻟﻨﺎﺱ ﺑﺎﻗﻴﺎﻟﻬﺎ ﻣﻨﺎﻓﻲ
ﺑﺖ ﻓﻲ ﺁﺧﺮ ﻟﺤﻈﻪ ﺗﻄﻮﻟﻚ
ﺗﻌﺮﻑ ﻛﻴﻒ ﺗﻤﻼﻙ ﺣﻨﻴﻪ
ﻭﺗﺰﺭﻉ ﺭﻳﺪﻫﺎ ﻭﺗﺮﺟﻲ ﻫﻄﻮﻟﻚ
ﻣﺎﺑﺘﻬﻢ _ﻟﻮ ﺻﻴﻔﻚ ﻃﻮﻝ
ﻭﺷﻤﺴﻚ ﺣﺮﻗﺖ ﻓﻴﻬﺎ ﺷﺘﻮﻟﻚ
ﺯﻭﻟﻪ ﺻﺒﻮﻭﻭﺭﻩ ﻭﺟﺪ ﺑﺘﺮﻳﺪﻙ
ﻭﻭﺍﺛﻘﻪ ﺑﺘﺠﻨﻲ ﻓﻲ ﻳﻮﻡ ﻣﺤﺼﻮﻟﻚ
_______________________
ﻟﺴﻪ ﻳﺎ ﻗﻠﺒﻲ ﺍﻟﻤﻌﺬﺏ
ﺑﺮﺿﻮ ﺻﺎﺑﺮ ﻭﻣﻨﺘﻈﺮ؟ !
ﻟﺴﻪ ﺇﺣﺴﺎﺳﻚ ﻣﻬﺬﺏ
ﻭﻣﻦ ﻣﻮﺍﺟﻌﻚ ﻣﺎ ﻓﺘﺮ ؟ !
ﻻ ﺣﻨﻴﻨﻚ ﻣﺮﻩ ﻛﺬﺏ
ﻻ ﺍﻷﻣﻞ ﺟﻮﺍﻙ ﻋﺘﺮ ؟!
ﻣﺎﻟﻮ ﺭﻳﺪﻙ ﻣﺎ ﺗﺤﺰﺏ
ﻭﺛﺎﺭ ﻋﻠﻲ ﺍﻟﻬﻢ ﺍﻟﻜﺘﺮ ؟ !
ﻟﺴﻪ ﻳﺎ ﻗﻠﺒﻲ ﺑﺘﻨــــﺎﺩﻱ
ﻟﻠﻐﺮﺍﻡ ﺑﻲ ﺃﻋﻠﻰ ﺣﺲ ؟ !
ﻟﺴﻪ ﺷﻮﻗﻚ ﻣﺎ ﺃﻋﺘﻴﺎﺩﻱ
ﻧﺎﺭﻭ ﺗﺐ ﻣﺎ ﺑﺘﺘﻠﻤـــﺲ؟ !
ﻻﻙ ﺑﺘﻌﺮﻑ ﻳﻮﻡ ﺗﻌﺎﺩﻱ
ﻭﻣﻦ ﺟﺮﻭﺣﻚ ﺗﻘﺘﺒﺲ ؟!
ﺩﻳﻤﺎ ﺭﻳﺪﻙ ﻓﺮﻋﻮ ﻧﺎﺩﻱ
ﻭﻓﻴﻬﻮ ﺑﺎﻛﺮ ﺯﻱ ﺃﻣــﺲ ؟ !
ﻟﺴــﻪ ﻳﺎ ﻗﻠﺒﻲ ﺑﺘﺘــــﺎﻭﻕ
ﻟﻠﻔــﺮﺡ ﻋﻨــﺪ ﺍﻟﺤﺒﺎﻳــــﺐ ؟ !
ﻣﻦ ﻫﻮﺍﻙ ﻣﺎ ﺻﺮﺕ ﻓﺎﺋﻖ
ﻭﻓﻲ ﻣﻜﺎﻧﻮ ﻛﺘﺒﺖ ﻏﺎﻳﺐ ؟ !
ﻛﻴﻒ ﺗﻜﻮﻥ ﻳﺎﻗﻠﺒﻲ ﻋﺎﺷﻖ
ﻟﻲ ﺣﺒﻴﺐ ﻓﻴﻚ ﻣﺎﻫﻮ ﺩﺍﻳﺐ ؟ !
ﻓﻲ ﺩﺭﻳﺒﻮ ﺗﻬﻴﻢ ﺗﺸﺎﻗﻖ
ﻭﻟﻴﻚ ﺧﺒﺮ ﻣﺎ ﺃﻇﻨﻮ ﺟﺎﻳﺐ ؟!
ﻟﺴﻪ ﻳﺎ ﻗﻠﺒﻲ ﺑﺘﺤـــﺎﻭﻝ
ﻓﻲ ﻏﺮﺍﻣﻚ ﺗﻠﻘﻰ ﻛﺎﺱ ؟!
ﻭﻻ ﺑﺘﻌﻤﻞ ﻣﺮﻩ ﻓـــﺎﻭﻝ
ﻻ ﺑﺘﺸﺘﺖ ﻓﻲ ﺍﻟﺘﻤﺎﺱ ؟!
ﻟﻠﺤﻜﻢ ﺗﺐ ﻣﺎ ﺑﺘﻨـــﺎﻭﻝ
ﻭﺍﻟﺼﺪﻕ ﻋﻨﺪﻙ ﺃﺳﺎﺱ ؟!
ﻭﻓﻲ ﻃﺮﻳﻘﺘﻚ ﻣﺎ ﺑﺘﺠﺎﻣﻞ
ﻟﺴﻪ ﺑﺎﺻﻚ ﺑﺎﻟﻤﻘـــﺎﺱ ؟!
ﻟﺴﻪ ﻳﺎ ﻗﻠﺒﻲ ﺑﺘﺴﺎﻫﺮ
ﻭﺩﻳﻤﺎ ﺣﻴﺮﺍﻥ ﻟﻠﺼﺒﺎﺡ ؟!
ﻟﺴﻪ ﻓﻲ ﺟﻮﺍﻙ ﻣﻬﺎﺟﺮ
ﺭﻳﺪﻩ ﻭﺍﻟﻌﺸﻖ ﺍﻟﻤﺒﺎﺡ ؟ !
ﻟﺴﻪ ﺑﺎﻹﺣﺴﺎﺱ ﺗﺠﺎﻫﺮ
ﻭﺷﺎﻳﻒ ﺇﻧﻮ ﻏﺮﺍﻣﺎ ﺻﺎﺡ ؟ !
ﻭﺷﺎﻥ ﺗﻨﺎﻟﻮ ﻫﻮﺍﻫﺎ ﺑﺎﻛﺮ
ﻋﺎﺩﻱ ﺑﺘﺼﺪ ﺍﻟﺮﻣﺎﺡ ؟
................
ﺃﻃﻠﻊ ﺑﺮﻩ ..
ﻧﻔﺲ ﺍﻟﺒﺎﺏ ﺍﻟﺠﺎﺑﻚ ﺩﺍﺧﻞ ﺃﻣﺮﻕ ﺑﻴﻬﻮ
ﻭﺃﻭﻋﻪ ﺗﻌﺎﻭﺩ
ﻭﺃﻓﻬﻢ ﺇﻧﻲ ﻣﺤﺎﻝ ﺃﺗﻐﻴﺮ ﻭﺃﻓﺘﺢ ﺑﺎﺏ ﻓﻲ ﻳﻮﻡ
ﺳﺪﻳﺘﻮ
ﻭﻣﺎﺗﺴﺘﻐﺮﺏ
ﺇﻧﻚ ﻣﺎﻗﺎﺩﺭ ﺗﻔﻬﻤﻨﻲ
ﻭﺇﻧﻮ ﺇﺣﺴﺎﺱ ﺍﻟﺒﻴﻨﺎ ﻛﺘﻴﺮ ﺩﺍﻳﺴﺎﻫﻮ ﺑﻈﻨﻲ
ﻭﺇﻧﻲ ﻭﺇﻧﻲ
ﺩﺍﻳﻤﺎ" ﺟﺎﻳﺮﺓ
ﻭﺩﺍﻳﻤﺎ " ﺣﺎﻳﺮﺓ
ﻭﻋﻜﺲ ﺍﻟﺰﻣﻦ ﺍﻟﺪﺍﻳﺮ ﺩﺍﻳﺮﺓ
ﺩﺍﻳﺮﺓ ﺃﺗﻐﻠﺐ ﻋﻠﻰ ﺇﺣﺴﺎﺳﻲ ﻳﻮﻡ ﺣﺴﻴﺘﻚ
ﻗﻠﺖ ﺃﺩﺳﻚ ﻭﺃﺑﻌﺪ ﻣﻨﻚ ﺇﻻ ﻟﻘﻴﺖ ﻓﻲ
ﺍﻟﺠﻮﻑ ﺩﺳﻴﺘﻚ
ﺟﻴﺖ ﺃﺗﻨﻔﺲ ﺇﺗﻨﻔﺴﺘﻚ
ﻳﺎﻣﺨﻠﻮﻕ ﻣﻦ ﻃﻴﻨﺔ ﻋﺠﻴﺒﺔ
ﺃﻃﻠﻊ ﻣﻨﻲ ﻭﺃﻃﻠﻊ ﻛﻠﻚ
ﺳﻮﻕ ﻭﻳﺎﻙ ﺇﺣﺴﺎﺳﻚ ﻭﺯﻟﻚ
ﻭﺃﻭﻋﻪ ﺗﻔﻜﺮ ﺗﺮﺟﻊ ﺗﺎﻧﻲ ﻭﺇﻧﻲ ﺑﻌﺪ ﺃﻧﺴﺎﻙ
ﺑﻌﺎﻧﻲ
ﻭﺑﻜﺮﺓ ﺑﺘﻠﻘﻰ ﺍﻟﻔﺮﺣﺔ ﻣﻘﺎﺳﻚ
ﻳﻮﻡ ﺗﺨﺘﺎﺭﻙ ﺯﻭﻟﺔ ﺟﺪﻳﺪﺓ
ﻭﺗﻔﺘﺢ ﺑﺎﺏ ﺍﻟﺤﺐ ﻭﺍﻟﺮﻳﺪﺓ
ﻭﺗﻨﺴﻰ ﺍﻟﻠﺤﻈﺔ ﺍﻟﻜﺎﻧﺖ ﺑﻴﻨﺎ
ﻭﺧﺎﻃﺮﻙ ﻣﺎﻳﺘﻤﻨﻰ ﻳﻌﻴﺪﻫﺎ
....................
ﻓﻲ ﻧﻔﺲ ﺍﻟﺤﺘﺔ .. ﻭ ﺫﺍﺕ ﺍﻟﺒﻴﺖ
ﺩﺭﻭﺧﻨﻲ ﻧﺴﻴﻢ ..
ﻃﺮﺍﻧﻲ ﻫﻮﺍﻙ.. ﺧﻼﻧﻲ ﺑﻜﻴﺖ
ﺣﺮﺷﻨﻲ ﺍﻟﺸﻮﻕ ﺍﺭﺟﻊ ﻟﻲ ﺍﻟﺮﻳﺪ ..
ﻭ ﺍﺗﻨﺎﺳﻰ ﺟﻔﺎﻙ ﻟﻜﻨﻲ ﺃﺑﻴﺖ
ﻭ ﻗﻌﺪﺕ ﻣﻌﺎﻱ ﻓﻲ ﺿﻞ ﺍﻟﺮﻭﺡ ..
ﻭﻧﺴﺘﻨﻲ ﺑﻴﻚ .. ﻭ ﻣﺸﻴﺖ ﻣﺎ ﺟﻴﺖ
ﻃﻴﺐ ﻣﺎ ﺩﺍﻡ ﺍﻟﺮﻳﺪ ﺇﺣﺴﺎﺱ ..
ﻣﺎﻟﻚ ﺑﻲ ﺭﻳﺪﻙ ﻣﺎ ﺣﺴﻴﺖ؟؟
ﻣﺎ ﺩﺍﻡ ﺑﺘﺤﻮﻡ ﻓﻲ ﺟﻮﻑ ﺍﻟﻨﺎﻱ ..
ﻣﺎﻟﻚ ﺑﻲ ﺻﻮﺗﻚ ﻣﺎ ﻏﻨﻴﺖ؟؟
ﻣﺎ ﺩﺍﻡ ﻃﻮﻓﺎﻧﻚ ﻫﺪ ﺍﻟﻜﺎﻥ ..
ﻣﺎﻟﻚ ﺑﻲ ﺍﻟﻤﺮﻛﺐ ﻣﺎ ﻋﺪﻳﺖ؟؟
ﻣﺎ ﺩﺍﻡ ﺑﺘﻘﻮﻝ ﺑﺘﺤﺪﻯ ﻣﻌﺎﻙ ..
ﻣﺎﻟﻚ ﻟﻠﻌﺎﻟﻢ ﻣﺎ ﺍﺗﺤﺪﻳﺖ؟؟
ﻣﺎ ﺩﺍﻡ ... ﻣﺎ ﺩﺍﻣﺖ ﺭﻳﺪﺗﻚ ﻟﻲ ..
ﻣﺎﻟﻚ ﻓﻲ ﺻﺪﻙ ﻣﺎ ﺍﺗﻤﺎﺩﻳﺖ؟؟
ﻣﺎ ﺩﺍﻡ ﺣﺮﻣﺖ ﺍﻟﻔﺮﺣﺔ ﻋﻠﻲ ..
ﻣﺎﻟﻚ ﻓﻲ ﻓﺮﺣﻚ ﻣﺎ ﺍﺗﻬﻨﻴﺖ؟؟
==================
ﻋﻴﻨﻴﻚ .. ﻳﺎ ﺃﻋﺰ ﺍﻟﻨﺎﺱ..
ﻋﻴﻨﻴﻚ .. ﻓﻴﻬﺎ ﺍﺧﻄﺮ ﻣﺎﺱ
ﻋﻴﻨﻴﻚ .. ﻗﻮﺓ ﻣﺎﺑﺘﻨﻘﺎﺱ
ﻭﻋﻴﻨﻴﻚ .. ﺭﻭﻋﺔ ﻳﺎ ﺇﺧﻼﺹ
ﻋﻴﻨﻴﻚ .. ﻗﺎﺻﺪﻥ ﻋﻴﻨﻲ
ﺧﻠﻨﻲ ﺍﺑﻜﻲ ﻣﻨﻲ ﻭﻟﻲ
ﺻﺒﺢ ﺑﻴﻦ ﺍﻟﻤﻤﺎﺕ ﻭﺍﻟﺤﻰ
ﺍﺻﺒﺢ ﺣﺘﻲ ﻏﻴﺮ ﺍﺣﺴﺎﺱ
ﻋﻴﻨﻴﻚ .. ﺣﺎﺭﻗﺔ ﺟﻮﺓ ﺍﻟﺠﻮﻑ
ﻭﻋﻴﻨﻴﻚ .. ﻓﻴﻬﺎ ﺣﺘﻲ ﺳﻴﻮﻑ
ﻭﻋﻴﻨﻴﻚ .. ﻣﺎﺑﺘﻌﺮﻑ ﺍﻟﺨﻮﻑ
ﻭﻋﻴﻨﻴﻚ .. ﺗﺮﻫﺐ ﺍﻟﻔﺮﺍﺱ
ﻭﻋﻴﻨﻴﻚ .. ﻣﻨﻴﺔ ﻟﻠﻮﻟﻬﺎﻥ
ﻭﻋﻴﻨﻴﻚ .. ﺗﻤﺴﺢ ﺍﻻﺣﺰﺍﻥ
ﻭﻋﻴﻨﻴﻚ .. ﻓﻴﻬﺎ ﺍﻟﻒ ﺣﻨﺎﻥ
ﻭﻋﻴﻨﻴﻚ .. ﺗﻐﻴﺮ ﻣﺼﺎﻳﺮ ﺍﻟﻨﺎﺱ
ﻭﻋﻴﻨﻴﻚ .. ﻣﻨﻴﺔ ﻟﻠﻤﺤﺘﺎﺝ
ﻭﻋﻴﻨﻴﻚ .. ﻟﻠﺴﺠﻴﻦ ﺇﻓﺮﺍﺝ
ﻋﻴﻨﻴﻚ ..ﺳﻤﺤﺔ ﻏﻴﺮ ﻣﻜﻴﺎﺝ
ﺣﺎﺭﺳﺎﻫﺎ ﺍﻟﺮﻣﻮﺵ ﺣﺮﺍﺱ
ﻋﻴﻨﻴﻚ .. ﻓﻴﻬﺎ ﻋﻠﻢ ﺍﻟﻄﺐ
ﻭﻋﻴﻨﻴﻚ .. ﻋﻠﻤﺘﻨﻲ ﺍﺣﺐ
ﻋﻴﻨﻴﻚ .. ﻣﻦ ﺣﻨﺎﻥ ﺍﺷﺮﺏ
ﻭﺍﻟﺸﻮﻕ ﺯﺍﺩﻧﻲ ﻟﻴﻬﺎ ﺣﻤﺎﺱ
===============
ﺩﻧﻴﺎ ﻋﺠﻴﺒﻪ.. ﺩﻧﻴﺎ ﻏﺮﻳﺒﻪ
ﺩﻧﻴﺎ ﺑﻤﻌﻨﻰ ﺍﻟﻜﻠﻤﻪ ﻛﺌﻴﺒﻪ
ﺩﻧﻴﺎ ﺑﺘﻘﺸﺮ ..
ﻛﻞ ﻣﺎ ﺗﻘﺸﺮ ﻻﺑﺴﻪ ﻣﺼﻴﺒﻪ
ﺑﺘﻀﺤﻚ ﻛﺸﺮﻩ ..
ﻭﻛﻞ ﻣﺎ ﺗﻘﻄﻊ ﻓﻲ ﺍﺿﺎﻓﺮﻳﻨﺎ ..
ﺗﻘﻄﻊ ﻋﺸﺮﻩ
ﺗﺸﻴﻞ .. ﻭﺗﻘﻄﻊ ..
ﻭﻛﻞ ﻣﺎ ﺗﻘﻄﻊ ﺗﺪﻱ ﺩﺑﻴﺒﺎ
ﺩﺑﻴﺐ ﺍﻟﻔﺮﻗﻪ
ﺍﻟﻌﻀﻌﺾ ﻓﻴﻨﺎ ﺍﻷﻣﻦ ..
ﺃﺩﺍﻧﺎ ﺍﻟﻀﻌﻒ .. ﺍﻟﺨﻮﻑ .. ﺍﻟﺮﻳﺒﻪ
ﺩﻧﻴﺎ ﺟﻌﺎﻧﻪ ..
ﺑﺘﺎﻛﻞ ﻣﻦ ﻋﺰﺗﻨﺎ ﺇﻫﺎﻧﻪ
ﻭﺗﻘﻠﻊ .. ﻭﺗﻨﻬﺐ ..
ﻭﻣﺎ ﺑﺘﺨﻠﻲ ﺣﺒﻴﺐ ﻟﺤﺒﻴﺒﻪ
ﺗﺮﺑﺮﺏ ﻓﻴﻨﺎ ﺃﻣﺎﻧﻲ ﻋﺮﻳﻀﻪ
ﺗﺪﻭﻋﻞ .. ﺯﻱ ﻣﺎ ﺗﻘﻮﻝ ﺧﺮﻓﺎﻧﻪ
ﻭﺗﺸﻮﻱ ﺍﻟﺒﺴﻤﻦ ﺑﻰ ﺗﻌﺬﻳﺒﺎ
ﺗﻘﻮﻝ ﻣﺠﻨﻮﻧﻪ ﺗﺸﻴﻞ ﻭﺗﻠﻘﻂ
ﻭﻧﺤﻨﺎ ﻧﺨﺎﻑ ﻭ ﺟﺒﺎﻫﻨﺎ ﺗﺴﻘﻂ
ﻭﺑﺮﺿﻮ ﻧﻨﻘﻂ ﺻﺎﻟﺢ ﺟﻴﺒﺎ
ﺩﻧﻴﺎ ﻋﺠﻴﺒﻪ..
ﺩﻧﻴﺎ ﺑﻤﻌﻨﻰ ﺍﻟﻜﻠﻤﻪ ﻛﺌﻴﺒﻪ
ﺩﻧﻴﺎ ﻛﺪﻳﺴﻪ ..
ﺣﻠﻔﺖ ﺯﻭﺭ ﺇﻳﺎﻧﺎ ﺟﻨﺎﻫﺎ
ﻋﺸﺎﻥ ﺗﻘﺮﺷﻨﺎ .. ﻭﺗﺴﻨﺪ ﻓﺎﻫﺎ
ﻭﻧﺒﻘﻰ ﻋﻀﺎﻡ ﻣﻤﺪﻭﻏﻪ.. ﻫﺮﻳﺴﻪ
ﻭﺗﺨﻨﻖ ﺑﻴﻨﺎ ﺗﺪﻟﻲ ﺃﻣﻠﻨﺎ
ﺑﻜﻮﺭﻩ ﻣﻮﻳﻪ .. ﻭﻗﺮﻋﻪ ﻣﺮﻳﺴﻪ
ﺩﻧﻴﺎ ﺗﻌﻴﺴﻪ ..
ﻣﻜﺮﺷﻪ ﻣﻦ ﺑﻠﻴﻌﻨﺎ ﻭﻗﺎﻋﺪﻩ
ﻋﻠﻰ ﻫﺒﺎﺏ ﺭﺍﺟﻴﺎﻫﻮ ﻋﺮﻳﺴﺎ
ﻋﺮﻳﺴﺎ ﺍﻟﻤﻮﺕ
ﺍﻟﺒﺮﺿﻮ ﻣﺸﻠﻬﺖ .. ﻭﻗﺮﺏ ﻳﻤﻮﺕ
ﻣﻔﺮﻭﺽ ﺍﺩﻳﻬﺎ ﺣﻴﺎﺗﻨﺎ ﺍﻟﺸﺒﻜﻪ
ﻭﻛﻞ ﺃﻭﻻﺩ ﺍﻟﻤﺪﻥ ﺍﻟﻠﻜﻪ
ﻭﻳﺴﺮﺡ ﺷﻌﺮﻭ ﺑﺰﻳﺘﻨﺎ
ﻭﺍﺷﺤﺪ ﻣﻦ ﺟﻴﻔﺘﻨﺎ ﺭﺟﺎﻟﻪ ﻗﻤﻴﺼﺎ
ﺩﻧﻴﺎ ﺗﻌﻴﺴﻪ ..
ﺯﻱ ﺍﻟﺰﻣﻦ ﺍﻟﻔﺎﺕ ﺧﻼﻫﺎ ﻋﻠﻴﻨﺎ ﺩﺳﻴﺴﻪ
ﻋﺸﺎﻥ ﺗﺘﻌﻘﺪ ﻟﻰ ﺃﺣﻼﻣﻨﺎ
ﻭﺗﻘﻌﺪ ﺑﻰ ﺁﻭﺟﺎﻋﻨﺎ ﺭﺋﻴﺴﻪ
ﺗﺒﻘﻰ ﺭﺋﻴﺴﺔ ﻋﺮﺵ ﻋﻀﺎﻡ
ﻻ ﺑﺘﺘﺰﺣﺰﺡ .. ﻻ ﺑﺘﻨﻀﺎﻡ
ﺗﺒﺮﻡ ﻟﻴﻨﺎ ﺣﺒﺎﻟﻨﺎ ﺍﻟﺴﺎﻫﻠﻪ
ﻭﺗﻨﻔﺦ ﻓﻲ ﺟﻮﺍﻧﺎ ﺿﻼﻡ
ﻭﻧﺒﻘﻰ ﺣﻄﺎﻡ ..
ﻭﺁﻣﺎﻟﻨﺎ ﻟﺤﻄﺎﻡ ..
ﻭﻛﻞ ﻣﺎ ﻧﺠﺮﻱ ﻧﺘﻢ ﻣﻮﺟﺎﺗﺎ
ﺗﺨﺮﺧﺮ ﺗﺎﻧﻲ ﺗﺒﻌﺪ ﻣﻴﺴﺎ
ﻳﺎﺥ ﺣﺒﻮﺑﻪ ﺍﻟﺪﻧﻴﺎ ﺍﻟﻐﻮﻟﻪ ..
ﺍﻟﺪﻧﻴﺎ ﺧﺴﻴﺴﻪ
ﻣﺎ ﻃﻮﺍﻟﻲ
ﻛﺘﻴﺮ ﺑﺘﻮﻃﻲ ﺍﻟﺤﺲ ﺍﻟﻌﺎﻟﻲ
ﻭﻧﺒﺪﺍ ﻧﻐﻨﻲ ﻋﺸﺎﻥ ﺣﺒﻮﺑﻪ ﺗﺴﻮﻱ ﺭﻗﻴﺼﺎ
ﻓﻮﻕ ﺿﺒﺎﻥ ﺍﻟﻌﺰﻑ ﺍﻟﻤﺠﻬﺪ
ﺗﺮﻗﺺ .. ﻭﻧﻌﺰﻑ.. ﻭﻧﺒﻘﻰ ﻓﻄﻴﺴﻪ
ﺩﻧﻴﺎ ﻋﺠﻴﺒﻪ..
ﻭﺩﻧﻴﺎ ﻏﺮﻳﺒﻪ .. ﻭﺩﻧﻴﺎ .. ﻭﺩﻧﻴﺎ ﺧﺴﻴﺴﻪ
ﺇﻳﻪ ﺍﻟﻘﺪﺭﻙ ﺁﺩﻧﻴﺎﻧﺎ ﺗﻀﻠﻤﻲ ﻛﻞ ﻧﻮﺍﺭ ﺍﻟﺤﻠﻪ
ﻭﺗﺨﺘﻔﻲ ﻣﻨﻬﺎ ﺯﻱ ﺍﻟﺼﻘﺮ ﺍﻟﻨﻮﻡ ﺍﻟﻘﻼ
ﺷﻠﺘﻲ ﻓﻼﻧﻪ .. ﻭﺷﻠﺘﻲ ﻓﻼﻥ
ﻭﺷﻠﺘﻲ ﻓﻼﻥ .. ﻭﺷﻠﺘﻲ ﻓﻼﻧﻪ
ﻭﻟﺴﺎﻙ ﻏﻮﻟﻪ ﻭﻧﺎﻗﺼﻚ ﺣﻠﻪ
ﻧﺤﻨﺎ ﻓﺘﺮﻧﺎ .. ﻭﻣﺘﻨﺎ ﻣﺂﺳﻲ
ﻣﺎ ﺗﺸﻮﻓﻴﻠﻚ ﺗﺎﻧﻲ ﻣﺤﻠﻪ
ﻭﻳﺎ ﻛﻀﺎﺑﻪ .. ﻣﺘﻴﻦ ﻣﻦ ﻗﻴﺪﻙ ﻓﺮﺗﻖ ﺑﻠﻪ
ﻭﻟﺴﻪ ﻣﺸﺮﺑﻚ ﻓﻲ ﻓﺸﻔﺎﺷﻚ ﻭﻣﺎ ﺍﺗﺤﻼ
ﻭﻛﻴﻒ ﺗﺪﻳﻨﺎ ﺍﻟﻬﺠﺴﻪ ﺩﻗﺎﺋﻖ
ﻭﺗﺮﺟﻌﻲ ﺗﺴﻘﻲ ﺣﻠﻮﻗﻨﺎ ﻣﺬﻟﻪ
ﺧﻼﺹ ﻣﻄﺮﻭﺩﻩ .. ﻭﺍﻗﻔﻠﻲ ﺍﻟﺒﺎﺏ
ﻛﻔﺎﻳﻪ ﺧﻼﺹ .. ﻓﻠﺴﻨﺎ ﻋﺬﺍﺏ
ﻓﺎﺗﻮ ﻣﻌﺎﻙ ﻳﺎ ﺩﻧﻴﺎ ﺃﺧﻼ ..
ﻭﻫﻀﻤﺖ ﻛﺮﺵ ﺍﻟﻤﻮﺕ ﺃﺣﺒﺎﺏ
ﺣﻠﻴﻠﻚ ﺃﺧﻮﻱ ﻳﺎ ﺍﻟﻔﺘﺎ ﺷﺒﺎﺏ
ﻛﻨﺘﺎ ﻣﻠﺰﻡ ..
ﻭﻣﺎ ﻣﺤﺘﺎﺝ ﻓﻲ ﺍﻟﺠﺪ ﺗﺘﺤﺰﻡ
ﺯﻭﻝ ﻓﻲ ﺍﻟﻮﺍﺟﺐ ﻣﺘﻞ ﺍﻟﻄﺎﺏ
ﺗﻠﺰﻡ ﻛﺴﺮ ﺍﻟﺤﺎﻝ ﻛﺮﺍﺏ
ﺭﺍﺟﻞ ﻣﻦ ﺗﺒﻴﺖ ﻓﻲ ﺍﻟﺪﻧﻴﺎ ..
ﺃﺳﺪ ﻭﻟﺪﻭﻙ ﻟﻰ ﻛﻞ ﻣﻨﺼﺎﺏ
ﻻﻙ ﻳﺎ ﺍﺧﻮﻱ ﺧﻮﺍﻑ .. ﻻﻙ ﺑﺎﻃﻞ
ﻻ ﻓﻲ ﻳﻮﻡ ﺳﻤﻮﻙ ﻛﻀﺎﺏ
ﺭﺍﺟﻞ ﻳﺎﺑﺎ .. ﻋﺰﻳﺰ ﻭﻣﻬﺎﺏ
ﻳﺪﻙ ﻣﺘﻞ ﺍﻟﻌﻴﻨﻪ ﻛﺮﻳﻤﻪ
ﻭﺣﻠﻤﻚ ﻛﺎﻥ ﻛﺎﻟﻤﻮﺝ ﻛﺒﺎﺏ
ﻛﻴﻒ ﻳﺎ ﺍﺑﻮﻱ ﺍﻟﺰﻳﻚ ﺑﻘﻌﺪ
ﻭﻛﻴﻒ ﻟﻮ ﺗﻘﻌﺪ
ﺩﺍﺭﻧﺎ ﻳﺼﻴﺒﺎ ﺍﻟﺸﺮ ﺗﻨﺼﺎﺏ
ﻭﻛﻴﻒ ﺍﻟﺪﻧﻴﺎ ﻣﻌﺎﻙ ﺗﺘﺒﺎﺷﺮ ..
ﻭﺗﺤﻜﻢ ﺑﻰ ﻗﺎﻧﻮﻥ ﺍﻟﻐﺎﺏ
ﻭﻧﺒﻘﻰ ﻣﻬﺎﻧﻪ
ﻭﻧﺒﻘﻰ ﺳﺮﺍﺏ
ﻭﻧﺼﺐ ﻓﻲ ﻛﻴﺴﺎ
ﺑﻼ ﻭﻣﻄﻠﻮﻕ ﻟﻠﺸﺮ ﻛﻮﻛﺎﺏ
ﻓﺘﺎ ﺭﺣﻠﺘﺎ ..
ﻭﻟﺴﻪ ﺍﻟﺪﻧﻴﺎ ﻑ ﺣﺎﻻ ﺧﺒﻴﺜﻪ
===============
ﺷﻤﺘﺎﻥ ﻭﺣﺎﺗﻚ ﻣﻮ ﺯﻋﻞ
ﺷﻤﺘﺎﻥ ﻋﻠﻲ ﺍﻟﻘﻠﺐ
ﺍﻟﺒﺪﻓﻖ ﻣﻮﻳﺘﻮ ﻓﻮﻕ
ﺭﻫﺒﺎﺕ ﻋﻴﻮﻧﻮ ﺍﻟﻄﺸﺴﻦ
ﺑﺎﺭﻳﻬﺎ ﺳﺎﻫﻲ
ﻣﺤﻞ ﻣﺤﻞ
ﻗﻠﺒﺄ ﻣﻜﻮﻛﺮﻭ
ﻋﻠﻲ ﺷﺒﺎﺑﻴﻚ ﺍﻟﻌﻘﻞ
ﺻﺎﺋﺐ ﺷﺮﺁﻳﻨﻮ ﺍﻟﻜﺴﻞ
ﻛﺴﺮ ﺳﻴﺎﺝ ﺍﻟﻌﺰﻟﺔ ﻃﺎﻓﺶ
ﺑﻲ ﺻﺤﺎﺭﻱ ﺍﻟﺮﻳﺪﺓ
ﻻ ﻋﺎﺩ ﻻ ﻭﺻﻞ
ﺷﺎﻳﻒ ﻏﺮﺍﻣﻮ ﺑﻴﺘﺴﺮﻕ
ﻭﻟﺴﺎﺗﻮ ﻧﺎﻳﻢ ﻓﻲ ﺍﻟﻌﺴﻞ
ﺷﻤﺘﺎﻥ ﻭﺣﺎﺗﻚ ﻭﻣﻮ ﺯﻋﻞ
ﻓﻲ ﺷﻨﻮ ﺍﻟﺰﻋﻞ ؟
ﺩﺍﺏ ﺍﻟﻤﺸﺎﻋﺮ
ﻧﺎﺻﻴﺔ ﻓﻲ ﺳﻮﻕ ﺍﻟﻮﺩﺍﺩ
ﺩﺍﺏ ﺣﺴﻚ ﺍﻟﻘﺮﺷﻮ ﺍﻟﻨﻮﻳﺢ
ﻗﺒﺎﻝ ﺗﻤﺮﻗﻮ ﺇﺟﻴﻚ ﺻﺎﺩ
ﺯﺭﻋﻚ ﻣﺒﺸﺮ ﺑﻲ ﺍﻟﻐﻨﺎ
ﻭﻏﻴﺮﻙ ﻣﻘﻌﺪ ﻟﻲ ﺍﻟﺤﺼﺎﺩ
ﺣﻠﻤﻚ ﻣﺸﺮﺷﺮ ﻓﻲ ﺣﺸﺎﻙ
ﻋﺸﻤﻚ ﺑﻨﺎﺗﻞ ﻓﻲ ﺍﻟﻌﻨﺎﺩ
ﺭﺍﺩﻭﻙ ﻭﻛﺖ ﺭﻓﻌﻮ ﺍﻟﺴﺘﺎﺭ
ﺑﺎﻋﻮﻙ ﻭﻛﺘﻴﻦ ﻛﺘﺎ ﺟﺎﺩ
ﺻﺪﻗﺖ ﻓﺎﻛﺮ ﺍﻟﺪﻧﻴﺎ ﺯﻳﻚ ﻛﻠﻬﺎ
ﻗﺎﻋﺪ ﺗﺤﺖ ﺩﻭﻣﺔ ﺍﻟﺤﻨﺎﻥ
ﺍﻟﺒﺪﺭﻱ ﻓﺎﺗﻚ ﺿﻠﻬﺎ
ﺭﻭﺣﻚ ﺩﻣﻮﻋﻚ ﻋﺰﺗﻚ
ﻏﻠﺒﻚ ﻋﻠﻴﻬﺎ ﺗﺪﻟﻬﺎ
ﻭﺗﻐﻨﻲ ﺷﻮﻕ
ﻭﻛﺘﻴﻦ ﺗﻤﺎﺭﺱ ﺩﻟﻬﺎ
ﺷﻤﺘﺎﻥ ﻭﺭﺍﻋﻴﺖ ﺣﺮﻣﺖ
ﺃﺣﺰﺍﻧﻚ ﻋﻠﻴﺎ ﻭﺣﻠﻬﺎ
ﺷﻤﺘﺎﻥ ﺑﻌﺪ ﺟﻮﺭﻙ ﻋﻠﻲ ﻣﺎﺭﺍﺿﻲ ﻣﻨﻲ
ﺗﺴﻠﻬﺎ
ﺧﻠﻴﻬﺎ ﺗﻤﺮﻕ ﻣﻦ ﺳﻜﺎﺕ
ﺃﻭ ﺷﻴﻞ ﺭﻭﻳﺤﺘﻚ ﻛﻠﻬﺎ
ﺷﻤﺘﺎﻥ ﻋﻠﻴﻚ
============
ﻋــﻨﺪﻣﺎ ﺭﺣــﻠﺖَ ﺑــﻌﻴﺪﺍً
ﻋـــﻨﻲ ..
ﺗـــﻔﺎﺟﺌﺖُ ﺑـــﺄﻥّ
ﺍﻟـــﺸﻤﺲ ﺃﺷـــﺮﻗَﺖ ﻓـــﻲ
ﺍﻟـــﻴـﻮﻡ ﺍﻟـــﺘﺎﻟﻲ
ﻭَ ﺃﻥّ ﺍﻟـــﻘﻤَﺮ ﻳـــﺮﻗﺺُ
ﺇﺑـــﺘﻬﺎﺟﺎً ﻟـــﻴﻠﺘﻬـﺎ
ﻟـــﻢ ﺗـــﺒﻜﻲ ﺃﻣّـــﻲ
ﻭَ ﻟـــﻢ ﻳَـــﻐﻀﺐْ ﺃﺑـــﻲ
ﻭَ ﻟـــﻢ ﺗـﺘــﻮﻗــﻒ
ﺯﻗــﺰﻗــﺔ ﺍﻟـﻌـﺼــﺎﻓــﻴــﺭ
ﻭَ ﻟـــﻢ ﺗـُــﺘﻨﻜﺲ ﺍﻷﻋـــﻼﻡ
ﻓـــﻲ ﻣــﺪﻳﻨﺘﻲ
ﻭَ ﻟـــﻢ ﻧـــﺸﺮﺏْ ﺍﻟـــﻘﻬﻮَﺓ
ﺳـــﻮﺩﺍﺀ ﻣُـــﺮّﺓ ..
ﻟـــﻢ ﻳـــﻘﻄﻌُﻮﺍ ﺑـــﺚّ
ﺍﻟـــﻤﺴﻠﺴﻞ .. ﻭَﻟـــﻢ
ﻳـــﻈﻬﺮ ﺍﻟـــﻤُﺬﻳﻊ ﺣـــﺰﻳﻨﺎً
ﻟـــﻴﻠﺘﻬﺎ ..
ﺗـــﻔﺎﺟﺌﺖُ ﺑـــﺄﻥّ ﻏــﻴﺎﺑَﻚ
ﻛـــﺎﻥَ ﻛـــﻐﻴﺎﺏْ ﺃﻱّ
ﺷـــﻲﺀ ﻻ ﻗـــﻴﻤَﺔ ﻟـــﻪ .. !!
ﻓَــ ﻟــﻤَﺎﺫﺍ ﺃﻋـــﻈﻢُ
ﺍﻟـــﻼﺷﻲﺀ ﺑـــﺤﺰﻧﻲ
.....................
ﻛﺘﺒﺖ ﻟﻴﻚ
ﻻ ﺑﻴﻨﻰ ﺑﻴﻨﻚ ﺭﻳﺪﺓ .. ﻻ ﻗﺼﺔ ﻏﺮﺍﻡ
ﺇﺧﺘﺮﺕ ﻟﻴﻚ
ﺃﺟﻤﻞ ﺣﺮﻭﻑ .. ﻭﺃﺻﺪﻕ ﻓﻮﺍﺻﻞ ﻧﺎﺩﺭﺓ
ﻓﻰ ﻟﻐﺔ ﺍﻟﻜﻼﻡ
ﻻ ﻗﺼﺪﻯ ﺃﻟﻬﻮ ﻣﻌﺎﻛﻰ ﺑﻰ ﻛﻠﻤﺎﺕ ﻏﻨﺎ
ﻻ ﺷﻌﺮﻯ ﻟﻴﻚ ﻣﺮﺟﻴﺤﺔ ﻣﻦ ﺷﻌﺮ ﺍﻟﻐﻤﺎﻡ
ﻛﺘﺒﺖ ﻟﻴﻚ ﻭﺍﻟﻠﻪ ﻳﺎ ﻗﻤﺮ ﺍﻟﺰﻣﺎﻥ
ﺷﺎﻥ ﺟﻴﺘﻰ ﺑﻰ ﺯﻣﻦ ﺍﻟﻤﺤﻨﺔ
ﻭﺷﻔﺖ ﻓﻰ ﻋﻴﻨﻴﻜﻰ .. ﺣﺲ ﺃﻫﻠﻰ
ﺍﻟﻘُﺪﺍﻡ
......................
ﻛﺘﺒﺖ ﻟﻴﻚ ﻭﺃﻧﺎ ﺟﺎﻳﻰ ﻣﻦ ﺯﻣﻦ ﺍﻟﺸﻘﺎ
ﺍﻟﻤﻤﺪﻭﺩ ﻋﻠﻰ ﻭﺵ ﺍﻟﺜﻮﺍﻧﻰ .. ﻣﻈﻠﻼ
ﺗﺘﻤﺪﺩ ﺍﻟﺴﺎﻋﺎﺕ ﺳﻨﻴﻦ
ﺗﺘﻔﺘﺢ ﺍﻷﺣﺰﺍﻥ ﻏﺮﻳﺒﺔ .. ﻭﻣﺬﻫﻠﺔ
ﻭﺃﺷﺘﺎﻕ ﺃﻓﺘﺶ ﻧﺴﻤﺔ .. ﻓﻰ ﺍﻟﺰﻣﻦ
ﺍﻟﻌﺬﺍﺏ
ﻭﺃﻳﺎﻣﻰ ﻣﻦ ﻛﺘﺮ ﺍﻷﺳﻰ
ﻭﻛﺘﺮ ﺍﻟﻌﺰﻭﻑ .. ﻭﺍﻹﻏﺘﺮﺍﺏ
ﺻﺎﺭﺕ ﺣﺮﻭﻑ ﻣﺘﺮﻫﻠﺔ
ﻟﺤﻈﺎﺕ ﺃﺳﻴﻔﺔ .. ﻭﻣﻬﻤﻠﺔ
........................
ﻛﺘﺒﺖ ﻟﻴﻚ
ﻭﻭﻗﻔﺖ ﻟﻴﻚ .. ﻻﻣﻦ ﻟﻘﻴﺘﻚ ﺟﺎﻳﻪ ﻣﻦ
ﻗﻠﺐ ﺍﻟﻄﺮﻳﻖ
ﻭﻟﻤﺤﺖ ﻓﻴﻚ ﺭﺍﺣﺔ ﺍﻟﻤﺸﺎﻭﻳﺮ ﺍﻟﺒﻌﻴﺪﺓ
ﻭﻧﻔﺤﺔ ﺍﻟﻨﺴﻤﺔ ﺍﻟﺤﻨﻴﻨﺔ
ﺍﻟﺠﺎﻳﺔ ﻣﻦ ﻗﻠﺐ ﺍﻟﻄﺮﻳﻖ
ﺣﺴﻴﺖ ﻋﺠﺎﻳﺐ ﺍﻟﺪﻧﻴﺎ .. ﺇﺗﻠﻤـّﺖ .. ﺑﻘﺖ
ﺟﺎﻳـّﺎﻧﻰ ﻣﻦ ﻋﺼﺮﺍً ﺳﺤﻴﻖ
ﻋﻴﻨﻴﻜﻰ ﺣﺲ ﺃﻃﻔﺎﻝ ﺑﻨﺎﺩﻭﺍ ﺍﻟﻘﻤﺮﺓ ﻟﻰ
ﺍﻟﻐﺎﻳﺐ .. ﻳﻌﻮﺩ
ﻭﺟﺒﻴﻨﻚ ﺍﻟﻀﻮّﺍﻯ
ﺣﺠﺎ ﺍﻟﺤﺒـّﻮﺑﺔ ﻓﻰ ﺍﻟﺰﻣﻦ ﺍﻟﺴﻌﻴﺪ
..........................
ﻭﺃﻧﺎ ﻓﻰ ﻗﺴﺎﻭﺓ ﺍﻟﻤﻮﺣﺶ
ﺍﻟﺰﻣﻦ ﺍﻟﻤﻜﻬﺮﺏ .. ﺑﻰ ﺍﻟﺤﺮﻳﻖ
ﺃﻧﺎ ﺣﻴﻠﺘﻰ ﺃﻳﻪ
ﻗﻮﻟﻴﻠﻰ ﻳﺎ ﻗﻤﺮ ﺍﻟﺰﻣﺎﻥ
ﻏﻴﺮ ﺃﺗـّﻜﻰ .. ﻭﺃﺣﻠﻢ ﻣﻌﺎﻙ
ﻭﺃﺣﻀﻦ ﺃﻣﺎﺳﻰ ﺍﻟﺼﺤﻮ ..
ﻭﺍﻷﻣﻞ ﺍﻟﺒﺮﻳﻖ
........................
ﺃﻧﺎ ﺑﻲ ﻟﻘﺎﻙ ﻣﻬﺘﻢ ﺑﺲ ﻛﻴﻒ ﺗﻼﻗﻴﻨﻲ
ﻳﺎ ﻋﺎﺑﺮﺓ ﻋﺒﺮ ﺍﻟﺪﻡ ﺷﺎﻳﻼﻙ ﺷﺮﺍﻳﻨﻲ
ﻟﻮ ﻋﻤﺮﻱ ﻳﺘﻘﺪﻡ ﻭﺃﺿﻤﻦ ﺗﻼﻗﻴﻨﻲ
ﺃﻧﺎ ﺑﻌﺪﻭ ﻣﺎ ﺑﻨﺪﻡ ﻟﻮ ﻣُﺖَّ ﻓﻲ ﺣﻴﻨﻲ
***
ﺩﻧﻴﺎ ﺍﻟﻌﺬﺍﺏ ﻭﺍﻟﻬﻢ ﻣﺎﺷﻴﻬﺎ ﻭﺣﺪﺍﻧﻲ
ﻟﻲ ﻏﻴﺮﻱ ﺗﺘﺒﺴﻢ ﻭﻓﻲ ﻗﻠﺒﻲ ﺍﺣﺰﺍﻧﻲ
ﺭﻏﻢ ﺍﻟﺼﺒﺮ ﻋﻠﻘﻢ ﻓﻲ ﺻﺒﺮﻱ ﻣﺘﻔﺎﻧﻲ
ﻣﻊ ﺍﻧﻲ ﺑﺘﺄﻟﻢ ﻣﻦ ﺟﻮﺓ ﻭﺟﺪﺍﻧﻲ
***
ﺍﻟﻄﻴﻒ ﻳﺰﻳﺪﻧﻲ ﺍﺷﻮﺍﻕ ﻓﻲ ﺍﻟﻨﻮﻡ ﻳﻨﺎﺟﻴﻨﻲ
ﻭﻳﺮﺣﻞ ﺑﺪﻭﻥ ﺇﺷﻔﺎﻕ ﺳﺎﻋﺔ ﻳﺼﺤﻴﻨﻲ
ﻳﺎ ﻃﻴﻔﻬﺎ ﻛﺎﻥ ﻣﺸﺘﺎﻕ ﻟﻲ ﻣﻴﻦ ﻣﺨﻠﻴﻨﻲ
ﻃﻔﻞ ﺍﻟﻐﺮﺍﻡ ﺍﻟﻌﺎﻕ ﺭﺑﻴﺘﻮ ﻣﺎﺑﻴﻨﻲ
***
ﻳﺎ ﻋﺎﺑﺮﺓ ﺩﻧﻴﺎ ﺍﻟﺠﻦ ﺑﻲ ﻛﻞ ﺃﻋﺎﺻﻴﺮﺍ
ﻟﻮ ﺳﻌﺪﻱ ﻣﺎ ﻣﻤﻜﻦ ﺍﺣﺴﻦ ﻟﻲ ﻣﻦ ﻏﻴﺮﺍ
ﺃﻧﺎ ﺑﻲ ﻟﻘﺎﻙ ﻣﺆﻣﻦ ﻟﻜﻨﻲ ﻓﻲ ﺣﻴﺮﻩ
ﻳﺼﻌﺐ ﻟﻘﺎﻙ ﻛﻴﻔﻦ ﻭﺍﻟﺪﻧﻴﺎ ﺑﻲ ﺧﻴﺮﺍ
***
ﻧﻬﺮ ﺍﻻﻣﺎﻧﻲ ﺳﺮﺍﺏ ﻳﺎ ﻋﺎﺑﺮﺓ ﺍﺭﻭﻳﻨﻲ
ﻏﻴﻢ ﺍﻟﺴﻤﺎﺀ ﺍﻟﺼﺒﺎﺏ ﻃﻮﻝ ﻣﺠﺎﻓﻴﻨﻲ
ﻭﺍﻟﻠﻴﻞ ﻳﺰﻳﺪﻧﻲ ﻋﺬﺍﺏ ﻓﻲ ﺟﻮﻓﻮ ﻳﻄﻮﻳﻨﻲ
ﻛﻞ ﻣﺎ ﺍﻟﺪﻣﻊ ﻳﻨﺴﺎﺏ ﻣﻦ ﺟﻔﻨﻲ ﻳﺴﻘﻴﻨﻲ
***
ﻳﺎ ﻋﺎﺑﺮﺓ ﺣﺘﻰ ﺍﻵﻥ ﻋﻴﻨﻴﻜﻲ ﺁﺳﺮﺍﻧﻲ
ﺳﺤﺮﺍً ﻣﻠﻜﻨﻲ ﺯﻣﺎﻥ ﺳﻜﻨﺘﻮ ﺍﺷﻌﺎﺭﻱ
ﺭﺍﺟﻴﻚ ﺯﻣﻦ ﻋﻄﺸﺎﻥ ﻣﺎ ﺻﺒﺖ ﺍﻣﻄﺎﺭﻱ
ﻟﻴﻪ ﻓﻲ ﺳﺤﺎﺏ ﺩﺧﺎﻥ ﻳﺎ ﺍﻟﻘﻤﺮﺓ ﺗﻨﻀﺎﺭﻱ
***
ﻳﺎ ﺍﻣﺎﻧﻲ ﻟﻲ ﺑﻜﺮﺓ ﻭﺍﻟﻠﻴﻠﻲ ﻭﺍﻟﺒﺎﺭﺡ
ﺷﺎﻳﻠﻚ ﻣﻌﺎﻱ ﺫﻛﺮﻯ ﻛﺎﻥ ﻭﺍﻋﻲ ﻛﺎﻥ ﺳﺎﺭﺡ
ﺑﺲ ﻳﻮﻡ ﺗﺒﻴﻦ ﺳﻔﺮﺓ ﻳﺎ ﻋﺎﺑﺮﺓ ﺑﻲ ﺍﻟﻮﺍﺿﺢ
ﻓﻲ ﻧﻴﺘﻲ ﻣﻦ ﻓﺘﺮﺓ ﺩﺍﻳﺮ ﺍﺟﻴﻚ ﻧﺎﺯﺡ
***
ﺁﻩ ﻟﻮ ﻗﺪﺭﺕ ﺍﺟﻴﻚ ﺭﺅﻳﺎﻙ ﻣﺮﺍﺩ ﻋﻴﻨﻲ
ﺃﻛﺴﻴﺮ ﺣﻴﺎﺗﻲ ﻭﺷﻴﻚ ﻣﻦ ﺣﺰﻧﻲ ﻳﺸﻔﻴﻨﻲ
ﻣﻦ ﺍﺷﺘﻴﺎﻗﻲ ﺇﻟﻴﻚ ﻳﺎ ﻋﺎﺑﺮﺓ ﺩﺳﻴﻨﻲ
ﻣﺎ ﺑﻴﻦ ﺭﻣﻮﺵ ﻋﻴﻨﻴﻚ ﺷﻴﻠﻴﻨﻲ ﺧﺘﻴﻨﻲ
***
ﻛﻞ ﺍﻟﺒﺴﻴﻄﺔ ﺣﺴﺎﻥ ﻳﻮﻡ ﻣﺎ ﻣﻠﻦ ﻋﻴﻨﻲ
ﻏﻴﺮ ﻋﺎﺑﺮﺓ ﻣﺎﻓﻲ ﺇﻧﺴﺎﻥ ﻳﻬﺪﻣﻨﻲ ﻳﺒﻨﻴﻨﻲ
ﺁﺁﻩ ﻳﺎ ﺟﻤﺎﻝ ﻓﺘﺎﻥ ﻗﻠﺐ ﻣﻮﺍﺯﻳﻨﻲ
ﻟﻮﻻ ﺻﻔﺎﺀ ﺍﻻﻳﻤﺎﻥ ﻳﻔﺘﻨﻲ ﻓﻲ ﺩﻳﻨﻲ
***
ﺃﻧﺎ ﻛﻨﺖ ﺷﺊ ﻣﺠﻬﻮﻝ ﻳﺎ ﻋﺎﺑﺮﺓ ﻟﻮﻻﻛﻲ
ﻣﻊ ﺃﻧﻲ ﺃﻭﻝ ﺯﻭﻝ ﻣﻦ ﺑﻴﻦ ﺿﺤﺎﻳﺎﻛﻲ
ﻓﺮﺷّﺘِﻲ ﻋﻤﺮﻱ ﺍﻟﺸﺎﻕ ﺍﺷﻌﺎﺭ ﻣﻦ ﺇﻣﻼﻛﻲ
ﻛﺎﻧﺖ ﻋﻠﻰ ﺍﻻﻃﻼﻕ ﺃﺟﻤﻞ ﻫﺪﺍﻳﺎﻛﻲ
***
ﻣﺼﺒﺎﺣﻚ ﺍﻟﻤﺴﺤﻮﺭ ﺟﺎﻫﺮﻧﻲ ﻋﺎﻣﻴﻨﻲ
ﺳﺎﻳﻖ ﺧﻄﺎﻱ ﻣﺒﻬﻮﺭ ﻳﺴﻮﻗﻨﻲ ﻳﻮﺩﻳﻨﻲ
ﻣﺎ ﻋﺎﺭﻑ ﺍﻟﻤﻘﺪﻭﺭ ﺑﺎﻟﻔﺮﻗﺔ ﺭﺍﺟﻴﻨﻲ
ﺧﺎﺭﺝ ﻧﻄﺎﻕ ﺍﻟﻨﻮﺭ ﺣﺎﻳﻢ ﺣﻮﺍﻟﻴﻨﻲ
***
ﻋﺎﺑﺮﺓ ﺍﻟﺰﻣﻦ ﻇﻼﻡ ﻓﻲ ﻇﻠﻤﻮ ﻣﺘﻮﺍﻟﻲ
ﺑﻘﺖ ﺍﻟﺤﻘﻴﻘﺔ ﺍﺣﻼﻡ ﻭﺍﺣﺰﺍﻧﻲ ﺷﻲﺀ ﻋﺎﺩﻱ
ﻭﺍﺻﺒﺢ ﻋﻠﻲ ﺍﻟﺰﺍﻡ ﻛﻞ ﻣﺎ ﺻﺪﺡ ﺷﺎﺩﻱ
ﺍﻫﺪﻳﻚ ﻣﺪﻯ ﺍﻻﻳﺎﻡ ﺃﻟﺤﺎﻧﻲ ﻭﺍﻧﺸﺎﺩﻱ
____________________________
ﻋﻠﻰ ﺑﺎﺑﻚ ﻧﻬﺎﺭﺍﺕ ﺍﻟﺼﺒﺮ ﻭﺍﻗﻔﺎﺕ..
ﺑﺪﺍﻳﺔ ﺍﻟﺪﻧﻴﺎ ﻫﻦ ﻭﺍﻗﻔﺎﺕ
ﻭﻛﻢ ﻭﻟﻬﺎﻥ.. ﻭﻛﻢ ﻃﺎﺋﺮ ..
ﺑﻌﺪ ﻧﺘﻒ ﺟﻨﺎﺣﻮ ﻭﺭﺍﻙ
ﻟﻤﻠﻢ ﺣﺮ ﻧﺪﺍﻣﺘﻮ ﻭﻓﺎﺕ ..
ﻗﻄﻊ ﺷﺎﻣﺔ ﻫﻮﺍﻙ ﻣﻦ ﻗﻠﺒﻮ
ﺍﻻ ﻫﻮﺍﻙ ﻧﺒﺖ ﺗﺎﻧﻰ ..
ﻭﻋﻠﻰ ﺑﺎﺑﻚ ﻭﻗﻒ ﺗﺎﻧﻰ ..
ﻏﻤﺎﺋﻢ ﺷﺎﻗﺔ ﺣﻀﻦ ﺍﻟﻠﻴﻞ
ﻣﺴﺎﻓﺮ ﻓﻴﻬﺎ ﻭﺣﺪﺍﻧﻰ ..
ﻭﺑﺪﻭﻥ ﺟﻨﺤﻴﻦ
ﻳﻐﻨﻴﻚ ﺍﻟﻬﻨﺎ ﺍﻟﻤﺎﻓﻰ ..
ﻭ ﻳﻐﻨﻴﻠﻚ ﺭﻫﺎﻓﺔ ﺣﺴﻮ
ﻳﻔﻨﻰ ﻋﻠﻰ ﺟﻠﻴﺪ ﺁﻣﺎﻟﻮ ..
ﻭﻳﺤﻠﻢ ﺑﺎﻟﺸﺘﺎﺀ ﺍﻟﺪﺍﻓﻰ
ﻭﻗﺪﺭ ﻣﺎ ﻳﻤﺸﻰ ﻓﻰ ﺳﻮﺭ ﺍﻟﺰﻣﻦ ﺧﻄﻮﺍﺕ ..
ﻳﻼﻗﻰ ﺧُﻄﻰ ﺍﻟﺴﻨﻴﻦ ﻭﺍﻗﻔﺎﺕ
ﻳﻼﻗﻰ ﻫﻮﺍﻙ ﻧﺒﺖ ﺗﺎﻧﻰ ..
ﻭﻋﻠﻰ ﺑﺎﺑﻚ ﻭﻗﻒ ﺗﺎﻧﻰ
ﻭﻣﻸ ﺍﻟﺴﺎﺣﺎﺕ
______________________________
ﻣُﻨﺎﻱ ﻓﻲ ﺍﻟﺪﻧﻴﺎ ﺳُﺘﺮﺓ ﻭﺑﻴﺖ ..
ﻭﺃﺻﻞ ﺍﻟﺒﻴﺖ ﺣﻨﺎﻥ ﻭﺃﻣﺎﻥ .. ﻣﻮﺩﺓ ﻭﺭﻳﺪ
ﻣﺤﺎﻝ ﺍﻟﺒﻴﺖ ﻳﻜﻮﻥ ﺑﺲ ﻃﻴﻦ .. ﻭﺯﻧﻜﻲ
ﻭﺣﻴﻂ
ﻭﻻ ﻣﻤﻜﻦ ﻳﻜﻮﻥ ﺳﻜﺮ ﻭﺻﻠﺼﺔ ﻭﺯﻳﺖ
ﻛﻼﻡ ﺍﻟﺒﻴﺖ ﻛﻼﻡ ﺗﺎﻧﻲ.. ﻛﻼﻡ ﺇﺣﺴﺎﺱ
ﻣﻘﺪﺱ ﻭﺷﺮﻉ ﺭﺑﺎﻧﻲ
ﻭﺭﻳﺪ ﺇﻧﺴﺎﻥ ﻋﺰﻡ ﻭﺇﺧﺘﺎﺭ
ﻓﺘﺢ ﺑﺎﺏ ﻗﻠﺒﻮ ﻟﻤّﺎﻧﻲ .. ﺑﻨﻲ ﺍﻟﻌﺶ ﺍﻟﺼﻐﻴﺮ
ﻃﻤّﻨﻲ ﺁﻭﺍﻧﻲ
٭ ٭ ٭ ٭
ﺑﻴﻮﺕ ﺍﻟﺪﻧﻴﺎ ﻣﺨﺘﻠﻔﺎﺕ ﻭﻣﺎ ﻛﻞ ﺍﻟﺒﻴﻮﺕ ﻭﺍﺣﺪ
ﻓﻲ ﺑﻴﺖ ﺩﺍﺍﺍﺍﻓﻲ .. ﻭﺑﻴﺖ ﺑﺎﺍﺍﺍﺭﺩ
ﻭﺑﻴﺖ ﻋﻤﺮﺍﻥ ﻫﻮﻯ ﻭﺗﺤﻨﺎﻥ .. ﻭﺑﻴﺖ ﺟﺎﻣﺪ
ﺑﻴﻮﺕ ﻣﻠﻴﺎﻧﺔ ﻓﺮﺣﺔ ﻭﺣﺐ
ﻭﺧﻴﺮ ﻭﺃﻣﺎﻥ
ﺑﻴﻮﺕ ﻋﺪﻣﺎﻧﺔ ﻣﻦ ﺍﻟﻮﺩ ..
ﺯﻣﻦ ﻣﺴﻜﻮﻧﺔ ﺑﺎﻷﺣﺰﺍﻥ
ﺑﻴﻮﺕ ﺯﺍﺍﺍﺍﻫﻴﺔ .. ﻭﺑﻴﻮﺕ ﻭﺍﺍﺍﺍﻫﻴﺔ
ﺑﻴﻮﺕ ﺗﺪﻳﻚ ﺳﻼﻡ ﻭﺃﻣﺎﻥ
ﻋﺸﺎﻥ ﻓﻴﻬﺎ ﺍﻟﻨﻔﻮﺱ ﺻﺎﻓﻴﺔ .. ﻭﻓﻴﻬﺎ ﺍﻟﺘﻘﻮﻯ
ﻭﺍﻹﻳﻤﺎﻥ
٭ ٭ ٭ ٭
ﺑﻴﻮﺕ ﻣﺘﺮﻭﺳﺔ ﻣﺎﻝ ﻭﺇﺛﺎﺙ
ﻭﺧﺎﻟﻴﺔ ﻣﻦ ﺍﻷﻣﻞ ﻭﺍﻟﻨﺎﺱ
ﺑﻴﻮﺕ ﻻ ﻟﻤﺒﺔ ﻭﻻ ﺑﻮﺗﺠﺎﺯ
ﻭﻧﺎﺳﺎ ﻟُﻄﺎﺍﺍﺍﺍﻑ ﺣُﻨﺎﻥ ﻭﻟُﺬﺍﺫ
ﻓﻲ ﺑﻴﺖ ﻋﺎﺍﺍﺍﻟﻲ ﻭﺣﻮﺷﻮ ﻛﺒﻴﺮ
ﻭﺳﻴﺪﻭ ﻭﺯﻳﺮ ﺧﻴﺮﻭ ﻭﻓﻴﺮ
ﻭﻟﻴﻬﻮ ﻏﻔﻴﺮ .. ﻭﺑﻴﺖ ﻣﻦ ﻃﻴﻦ
ﻓﻲ ﺭﺍﻛﻮﺑﺘﻮ ﺑﺲ ﻓﺪ ﺯﻳﺮ
ﻭﺭﻏﻢ ﺍﻟﺴﺎﻛﻨﻮ ﺯﻭﻝ ﻣﺴﻜﻴﻦ
ﺑﺲ ﺣﻘﺎﻧﻲ ﻋﻨﺪﻭ ﺿﻤﻴﺮ .. ﺑﻴﻮﺕ ﺍﻟﺒﻬﺠﺔ
ﻋﻨﻮﺍﻧﺎ ..
ﻭﻃﻮﻝ ﺍﻟﻴﻮﻡ ﺿﺤﻚ ﻭﻫﺰﺍﺭ
ﻭﺑﻴﻮﺕ ﻃﻮﺍﻟﻲ ﺣﺮﻗﺎﻧﺔ
ﻣﻮﻟﻌﺔ ﺯﻱ ﺗﻘﻮﻝ ﻣﻦ ﻧﺎﺭ
ﺑﻴﻮﺕ ﺑﺘﺮﺍﻋﻲ ﺣﻖ ﺍﻟﺠﺎﺭ .. ﻭﻓﻴﻪ ﻣﻦ ﺍﻟﺨﻴﺎﺭ
ﺃﺧﻴﺎﺭ
ﺑﻴﻮﺕ ﻻ ﺑﺘﻌﺮﻑ ﺍﻟﺠﻴﺮﺍﻥ ..
ﻭﻻ ﺑﺘﺴﺘﻄﻠﻊ ﺍﻷﺧﺒﺎﺭ
ﺑﻴﻮﺕ ﺗﻤﻠﻴﻚ .. ﺑﻴﻮﺕ ﺇﻳﺠﺎﺭ
ﻭﻣﺎﺍﺍﺍﺑﺘﻠﻘﺎﻫﺎ ﺑﺎﻟﻬﻴﻦ .. ﻭﻻﺯﻡ ﺗﻜﺮﻡ
ﺍﻟﺴﻤﺴﺎﺭ
ﻭﺷﻮﻑ ﻓﻲ ﺳﻜﺘﻚ ﻛﻢ ﺑﻴﺖ .. ﻭﻓﻲ ﻛﻞ
ﺍﻟﺒﻴﻮﺕ ﺃﺳﺮﺍﺭ
٭ ٭ ٭ ٭
ﻭﻓﻲ ﺑﻴﺖ ﻣﺴﻜﻮﻥ .. ﻭﺑﻴﺖ ﻓﺎﺿﻲ .. ﻭﺑﻴﺖ
ﺟﺎﺣﺪ .. ﻭﺑﻴﺖ ﺭﺍﺿﻲ
ﻭﺑﻴﺖ ﻣﺸﻜﻠﺘﻮ ﻣﻌﺮﻭﻓﺔ
ﻭﻭﺻﻠﺖ ﻣﺤﻜﻤﺔ ﻭﻗﺎﺿﻲ .. ﻋﺸﺎﻥ ﻋُﺸﺮﺓ
ﺳﻨﻴﻦ ﻫﺎﻧﺖ
ﻭﻛﻞ ﻭﺍﺣﺪ ﺑﻘﻰ ﻓﻲ ﻭﺍﺩﻱ.. ﻭﻓﻲ ﺑﻴﺖ
ﺣﺪﺍﺩﻱ ﻣﺪﺍﺩﻱ
ﺑﺲ ﻣﺎﻓﻴﻬﻮ ﻏﻴﺮ ﺇﺗﻨﻴﻦ.. ﻭﺑﻴﺖ ﻣﻠﻴﺎﺍﺍﺍﻥ ﺗﻘﻮﻝ
ﻧﺎﺩﻱ
٭ ٭ ٭ ٭
ﻭﻓﻲ ﺑﻴﺖ ﺳﻜﺎﻧﻮ ﻣﺘﺂﻟﻔﻴﻦ .. ﻋﻠﻰ ﺍﻟﺤﻠﻮﺓ
ﻭﻋﻠﻰ ﺍﻟﻤُﺮﺓ
ﻭﺑﻴﺖ ﺳﻜﺎﻧﻮ ﻣﺨﺘﻠﻔﻴﻦ.. ﻣﺎ ﺑﺘﻔﻘﻮﺍ ﺑﺎﻟﻤﺮّﺓ
ﻭﺑﻴﺖ ﺳﺘﻮ ﻣﺮﺓ ﺿﻴﻔﺎﻥ .. ﻣﺮﺓ ﺳُﺘﺮﺓ
ﻣﺎ ﺑﺘﺴﺘﺎﻫﻞ ﺍﻟﻬﺠﺮﺍﻥ .. ﻭﻻ ﺑﺘﺴﺘﺎﻫﻞ ﺍﻟﻀﺮﺓ
ﺑﻴﺖ ﺳﺘﻮ ﺩﻭﺍﻡ .. ﺑﺘﺒﺎﺭﻱ ﻓﻲ ﺍﻟﻨﺴﻮﺍﻥ
ﻻ ﺑﺘﻌﺮﻑ ﺗﻜﺮﻡ ﺍﻟﻀﻴﻒ .. ﻭﻻ ﺑﺘﻮﺭِّﻕ ﺍﻟﺨُﺪﺭﺓ
٭ ٭ ٭ ٭
ﻭﻓﻲ ﺑﻴﺖ ﻣﺤﺮﻭﻡ ﻣﻦ ﺍﻷﻃﻔﺎﻝ
ﻣﻦ ﺿﺤﻜﺔ ﻋﻴﻮﻥ ﺣﻠﻮﻳﻦ
ﻭﻛﻞ ﻳﻮﻡ ﻧﺎﺳﻮ ﻋﻨﺪ ﺩﻛﺘﻮﺭﻛﺒﻴﺮ .. ﺃﺗﻌﺎﺑﻮ
ﺑﺎﻟﻤﻼﻳﻴﻦ
ﻭﺑﻴﺖ ﺃﻃﻔﺎﻟﻮ ﺯﻱ ﻋﺸﺮﻳﻦ .. ﻭﻣﺤﺘﺎﺟﻴﻦ
ﺣﻖ ﻛﺮﺍﺳﺔ ﻣﺎ ﻻﻗﻴﻦ
ﻭﺑﺲ ﻋﺎﻳﺸﻴﻦ ﻋﻠﻰ ﺍﻟﻠﻪ .. ﻣﺎ ﻗﺎﺩﺭﻳﻦ ﻳﺴﺪﻭﺍ
ﺍﻟﺪﻳﻦ
ﻭﻧﺎﺱ ﺗﺎﻧﻴﻴﻦ .. ﻣﺮﺗﺎﺣﻴﻦ .. ﻭﻫَﻢ ﻓﻲ ﺍﻟﺪﻧﻴﺎ ﻣﺎ
ﺷﺎﻳﻠﻴﻦ
٭ ٭ ٭ ٭
ﻭﻳﺎﻣﺎ ﻭﻳﺎﻣﺎ ﺗﻠﻘﻰ ﺑﻴﻮﺕ .. ﺑﻴﻮﺕ ﺻﺎﺧﺒﺔ
ﻭﺑﻴﻮﺕ ﻻ ﻟﻴﻬﺎ ﺣﺲ ﻭﻻ ﺻﻮﺕ .. ﻭﻛﻞ ﻧﺎﺱ
ﺍﻟﺒﻴﻮﺕ ﺑﺘﻤﻮﺕ
ﻭﻳﺒﻘﻰ ﺍﻟﺒﻴﺖ ﺷﺒﺮ ﻭﺍﺣﺪ .. ﻭﺑﻜﺮﺓ ﺗﻜﻮﻥ
ﺑﻴﻮﺗﻨﺎ ﻗﺒﻮﺭ
ﻻ ﻫﻢ ﻣﻮﻳﻪ ﻻ ﻫﻢ ﻧﻮﺭ .. ﻭﻳﺒﻘﻰ ﻣُﻨﺎﻧﺎ ﻓﻲ
ﺍﻟﺠﻨﺔ
ﻭﻧﻨﺴﻰ ﺣﻜﺎﻳﺔ ﺍﻟﺴُﺘﺮﺓ.. ﻭﺣﻜﺎﻳﺔ ﺍﻟﺮﻳﺪ
ﻛﺄﻧﻨﺎ ﻟﺤﻈﺔ ﻣﺎ ﻛﻨﺎ .. ﻭﻻ ﻓﺘﺸﻨﺎ ﻳﻮﻡ ﻋﻦ ﺑﻴﺖ
ﺣﻠﻴﻞ ﺍﻟﺒﻴﺖ .. ﻭﻫﻢ ﺍﻟﺒﻴﺖ .. ﻭﻧﺎﺱ ﺍﻟﺒﻴﺖ
ﺣﻠﻴﻞ ﺍﻟﺪﻧﻴﺎ ﺑﺎﻟﻔﻴﻬﺎ!! ﻭﻛﻞ ﺍﻟﻔﻴﻬﺎ ﻻ ﻣﺎﻟﻴﻬﺎ ﻭﻻ
ﻣﻜﻔﻴﻬﺎ
، _______________________
منتديات انين الوجع
https://m.facebook.com/Myhart4olll?_mn_=11&refid=52